Ракометарките на Чаир продолжуваат со победничката низа од стартот на сезоната и ја запишаа шестата победа во Женската лига.
Избраничките на Басри Љатифи славеа на гостувањето кај Стружанка со убедливи 46-20, иако во ростерот имаа само десет ракометарки.
Шанса добија сите што беа во ростерот, а најдобар стрелец беше Стефанија Ѓорѓиевска, која погоди 12 пати, 11 гола постигна Михаела Ангеловска, а десет пати стрелаше Биљана Дамчевска.
Победникот беше познат уште по првото полувреме кога гостинките успеаја да постигнат 23 гола, а да примат само девет.
Вториот дел беше само формалност и се чекаше конечниот резултат. Во домашниот состав се истакна Маја Раткушиноска со осум погодоци.
ПОВРЗАНИ ВЕСТИ
