Во полн ек се пријателските натпревари на машките и женските репрезентации пред стартот на Олимписките игри во Париз.
Легендарната Стине Офтедал го одигра последниот натпревар во кариерата пред домашна публика, а јубилеј имаше екс вардарката Камила Херем, за која дуелот со Данска беше број 900 во репрезентативната кариера.
Норвешка го совлада големиот ривал Данска со 26-24, а десниот бек Мерк беше предводник со осум погодоци.
Машката репрезентација на Норвешка ја совлада Шпанија со 35-29, а блескаше Тобијас Грондал со девет гола.
За победничката селекција Блонц даде уште седум, додека за „фуријата“ по четири погодоци имаа Душебаев, Касадо и Гомез.
Данците ја совладаа Аргентина со 34-24, откако уште на полувремето имаше комотна залиха од седум гола.
ПОВРЗАНИ ВЕСТИ
