Поранешниот младински репрезентативец на Македонија, Дарио Петровски, не е повеќе член на босанскиот суперлигаш Коњух.
Двете страни одлучија спогодбено да ја прекинат соработката и секој да си продолжи по својот пат.
Петровски минатата сезона играше во Италија и со екипата на Јуниор Фасано го освои тамошниот шампионат.
25-годишниот ракометар пред да се пресели во БиХ на своја адреса имаше неколку понуди за камбек на македонска сцена.
Битолчанецот на интернационално ниво го носеше дресот и на Гвадалахара од Шпанија. Во Македонија беше дел од првиот и вториот тим на Еурофарм Пелистер, како и на Струга.
ПОВРЗАНИ ВЕСТИ
