Европската ракометна федерација ги објави официјалните лица за натпреварите од квалификациите за женското ЕП 2024 година.
На првиот натпревар меѓу Македонија и Азербејџан, што ќе се игра на 11 октомври во малата сала во СЦ „Јане Сандански“ од 18:00 часот, ЕХФ делегира француски арбитри.
Станува збор за Пикар и Воше, додека делегат ќе биде Хашани од Косово.
На вториот дуел што нашите сениорки ќе го играат на гости кај Литванија во Вилнус на 15 октомври од 15:00 часот, ќе имаат романска арбитража.
Делегирани се судиите Ловин и Станку, додека делегат е Казниекс од Летонија.
Македонија со две победи на овие два меча практично ќе го обезбеди местото на Европското првенство и со третиот конкурент Шпанија ќе се бори за првото место во групата.
ПОВРЗАНИ ВЕСТИ
