Во рамките од Групата Д од Лига на Европа, во која се наоѓа и македонскиот вицешампион, Еурофарм Пелистер, екипите на Татабања и АЕК Атина одиграа неизвесен дуел, кој заврши со победа за екипата на Татабања со резултат 25:24.
Во првите 30. минути се играше израмнето и ниту една од двете екипи не можеше да се одлепи на поголема разлика од два гола. Ракометарите на Татабања на трипати имаа водство од два позитива, водеа со 5:3, 6:4 и 7:5. Гостите од Атина со два гола во низа израмнија на 7:7 и главно до крајот на првото полувреме се играше во егал. АЕК во завршниот дел од првото полувреме беше подобриот противник на терен. Сепак, големата борба во првото полувреме заврши нерешено, 12:12.
Избраниците на Димитрис Димитрулис на самиот старт на второто полувреме направија серија од 4:0 и во 36. минута го имаа највисокото водство од 17:12. Татабања првиот погодок во второто полувреме го постигна преку Анчин намалувајќи на 13:17.
Како што одминуваше времето, ракометарите на Татабања го намалуваа водството на противникот. На речиси петнаесетина минути пред крајот, унгарскиот тим намали на минус два, 18:20, а во последните десет минути се влезе во неизвесна завршница бидејќи домаќинот ги искористи сите грешки на противникот и дојде до израмнување на резултатот, 22:22.
Ракометарот на Татабања, Балинт Фекете со својот прв погодок во 53. минута направи пресврт на теренот и на својот тим му донесе водство од 23:22. По нерешените 23:23 и 24:24, Ѓери беше прецизен за ново водство на Татабања од 25:24. Во последниот напад на АЕК, голманот на Татабања, Ласло Бартуч го одбрани ударот на противникот, а тоа значеше победа за унгарскиот претставник во Лига на Европа.
ЛИГА НА ЕВРОПА, 7. КОЛО, РЕЗУЛТАТИ
ЛИГА НА ЕВРОПА
РЕЗУЛТАТИ ОД 7. КОЛО
ГРУПА А
ТУЛУЗ – ФУКСЕ БЕРЛИН 28:27 (16:13)
ВИСЛА ПЛОЦК – ФАДИ ВИНТЕРТУР 35:27 (16:9)
БИДАСОА ИРУН – ТАТРАН ПРЕШОВ 33:24 (16:11)
ТАБЕЛА
ГРУПА Б
ГОГ – ЧЕХОВСКИ МЕДВЕДИ 27:26 (15:14)
БЕНФИКА – ЛЕМГО 35:30 (15:15)
НАНТ – РИХИМАЕН КОКС 36:25 (17:12)
ТАБЕЛА
ГРУПА Ц
МАГДЕБУРГ – ГОРЕЊЕ 34:24 (20:12)
ЛА РИОХА – САВЕХОФ 29:30 (12:16)
НЕКСЕ – ЕКС АН ПРОВАНС 33:29 (17:12)
ТАБЕЛА
ГРУПА Д
НИМ – ЕУРОФАРМ ПЕЛИСТЕР 25:23 (13:12)
ТАТАБАЊА – АЕК 25:24 (12:12)
КАДЕТЕН – СПОРТИНГ 26:24 (10:11)
ТАБЕЛА
ПОВРЗАНИ ВЕСТИ
