Традиционално по завршувањето на есенската полусезона во Супер машката лига (одиграни 16 кола од Регуларниот дел), го избираме идеалниот тим и најкорисниот ракометар на полусезоната.
Тимот на 24Ракомет поддржан од Jamieson ви овозможува да гласате во 11 категории за најдобрите по завршување на есенскиот дел во најсилната македонска лига.
После секое коло, Вие заедно со тимот на 24Ракомет избиравме најкорисен ракометар, па 16 играчи имаа чест да бидат прогласени за најдобри. Сега го бираме и тимот кој ја одбележа оваа етапа од сезоната.
Единствениот специјализиран спортски портал посветен на ракометот и годинава ќе ви овозможи да гласате за најдобрите ракометари од првиот дел на сезоната.
Ние одбравме по пет играчи на секоја позиција од кои вие можете да го одберете најдобриот. Вие со гласање ќе изберете кои играчи ќе бидат најдобри и ќе влезат во идеалниот тим. Заедно со колегите новинари и вашите гласови ќе го одбереме тимот и најкорисниот играчот на сезоната.
Гласањето ќе биде отворено до 30 јануари 2021 година до 12 часот, а секој читател може да го даде гласот за еден избор, при гласањето ќе изберете идеален тим, најдобар дефанзивец, млад ракометар и тренер кој дал најголем придонес оваа полусезона.
ПОВРЗАНИ ВЕСТИ
