Ракометарките на Куманово имаа лесна задача на гостувањето кај Кузман Вардар во натprеварот од 19. коло во Женската лига и остварија лесна и убедлива победа со 18:54. Куманово настапи без ракометарките кои беа со репрезентацијата, но тоа не беше никаква пречка да освојат нови бодови.
Куманово беше фаворит пред натпреварот и целосно ја оправда улогата, само почетните минути беше нерешено до резултат 4:4 а потоа гостинските ракометарки целосно доминираа на теренот.
Уште до полувремето беше решен победникот, на паузата Куманово имаше двоцифрена предност и водеше 12:23. И во вториот дел Кузман Вардар немаше сили за нешто повеќе и мораше да се помири со убедлив пораз.
Убедливо најефикасна во победничкиот тим беше интернационалката од Црна Гора, Ана Шарановиќ која постигна 16 погодоци. Бранкица Марковиќ погоди седум пати, а Мила Трајковиќ шест пати. Во екипата на Кузман Вардар со шест гола се истакна Сандра Јовевска.
