Мате Лекаи е херојот на денот, ги матираше Германците на три секунди до крај

Организаторот на играта на репрезентацијата на Унгарија, Мате Лекаи е играчот кој го одбележа последниот ден од првата фаза на Светското првенство. Тој постигна гол во последниот напад при нерешени 28:28 и ги постави конечните 29:28 за Унгарија со што оваа селекција оди со максимални четири бода во втората рунда,

Oд почетокот на натпреварот имаше неизвеснсот и нијанси беа во прашање кој состав ќе биде во предност. Секако таа водството беше минимално во првите неколку минути, а двете селекции се менуваа во предност. Германија водеше со 1:0, па Унгарија со 2:1 и 3:2 пред Германците одново да направат мини пресврт за 4:3.

Тука дојде до мало израмнување на силите, па потоа конечно една селекција направи поголема предност. Унгарците наметнаа свое темпо и успеаја да дојдат до водство од четири гола при 10:6 при серија од 3:0. Потоа се влезе во уште подобар период и предноста дојде и до плус пет, 15:10.

Сепак, тука ракометарите од Унгарија како да застанаа бидејќи до заминувањето на одмор составот на Германија стигна до намалување на високата негатива и дојде до 14:15.

Во вториот дел голманот Роланд Миклер беше клучот за долгото одржување во водство на Унгарија. Неговите интервенции спречија пресврт, но предноста редовнот беше еден или два гола во корист на неговата селекција. Сепак, како наближуваше крајот се забележуваше дека Германија има сили за пресврт.

Јоханес Битер врати со неколку интервенции, па после 4:3 уште во отворањето на дуелот, Германија во 50. минута дојде до ново водство овој пат од 24:23. Тука средбата влезе во игра гол за гол, а најголемите возбудувања почнаа на три минути до крај. Имаше исклучување и на едната и на другата страна, па селекторите се надмудруваа.

На 28:28 Унгарците имаа време за уште еден напад, а после тајм-аутот, Мате Лекаи беше играчот кој презеде одговорност и ја смести топката во голот за победа. За Германците останаа три секунди, но се обидоа да изнудат удар од седум метри, а не добија ништо.

Со тоа Унгарија пренесува четири бода во следната рунда, додека Германците одат само со два бода.

ГЕРМАНИЈАУНГАРИЈА 19 јануари 2021 28 - 29 Крај

Детали

Датум	Време	Лига	Сезона	Match Day	Крај
19 јануари 2021	22:03	ГРУПА А	2020/2021	19.01.2021	60'

Резултати

Екипа	1-во полувреме	2-ро полувреме	Резултат
ГЕРМАНИЈА	14	28	Пораз
УНГАРИЈА	15	29	Победа

ГЕРМАНИЈА

#	Играч	Позиција	Исклучување	Голови
1	Јоханес Битер	голман	0	0
3	Уве Генсхајмер	лево крило	0	1
4	Јоханес Гола	пивот	2	1
15	Јури Кнор	централен бек	0	0
18	Себастијан Фирнхабер	централен бек	2	0
20	Филип Вебер	лев бек	0	5
24	Патрик Грецки	десно крило	0	1
25	Каи Хефнер	десен бек	1	3
27	Антонио Мецнер	десен бек	0	0
31	Марсел Шилер	лево крило	0	7
33	Андреас Вулф	голман	0	0
35	Јулиус Кун	лев бек	0	3
38	Фабијан Бем	лев бек	0	2
73	Тимо Кастенинг	десно крило	0	2
77	Давид Шмит	десен бек	1	0
95	Пол Друкс	лев бек	1	3
	Вкупно		7	28

УНГАРИЈА

#	Играч	Позиција	Исклучување	Голови
2	Адријан Сипос	пивот	1	0
7	Бендегуз Бока	лево крило	1	0
12	Мартон Секељ	голман	0	0
16	Роланд Миклер	голман	0	0
17	Бенце Наѓ	лев бек	0	0
20	Миклош Роста	пивот	1	1
22	Стефан Сунајко	лево крило	0	0
23	Доминик Мате	десен бек	1	8
25	Родригез Алварез	десно крило	0	0
27	Бенце Банхиди	пивот	1	8
30	Золтан Шита	лев бек	0	3
33	Габор Анчин	десен бек	2	2
39	Рихард Бодо	лев бек	0	2
47	Петер Хорњак	десно крило	0	0
66	Мате Лекаи	централен бек	0	4
9	Жолт Балог	десен бек	0	1
	Вкупно		7	29

Officials

Судии:
Борис Милошевиќ -Хрватска Матија Губица -Хрватска