Тимот на Гевгелија забележа нова победа во Женската лига, откако без никакви проблеми оствари триумф на домашен терен над Кузман Вардар со 34-22 во натпревар од 11 коло.
Победата беше обезбедена уште во првото полувреме, кога избраничките на Татјана Бојкова создадоа убедлива залиха од плус 12, 22-10.
Во вториот дел се измешаа поставите на теренот, имаше многу грешки на двете страни, но победата на Гевгелија не беше во ниту еден момент загрозена.
Најдобри стрелци во победничкиот тим беа некогашната репрезентативка Драгица Митрова со 13 погодоци и Михаела Митревска која даде шест, а кај Кузман Вардар по пет голови дадоа Сандра Јовевска и Андреа Ангеловска.
