Спортот е во пауза насекаде низ Европа и светот, па спортистите, кои се навикнати да бидат секогаш во салите и на терените, мораат да бидат во карантин и да ги почитуваат препораките од властите во борбата против коронавирусот.
Освен тренинзите, времето најчесто се минува со гледање филмови и серии, читање книги, а бразилскиот десен бек од Вардар – Жозе Толедо, има интересна занимација.
Заедно со неговата девојка Лариса Араухо, ракометарка на романскиот Клуж, која во моментов е во Скопје, Толедо склопува сложувалка од 1.000 делови.
Натпреварите на Вардар против Нексе и ПИК Сегед во СЕХА и ЛШ се одложени на неодредено, исто како и дуелите од Суперлигата, па Толедо ќе има време за уште многу сложувалки во Скопје.
ПОВРЗАНИ ВЕСТИ
