Некогашниот хрватски репрезентативец Горан Шпрем, зборуваше за идеалното решение за селектор на селекцијата на „коцкестите“, кога ќе замине Лино Червар.
Шпрем смета дека Веселин Вујовиќ е само маргинален лик во хрватскиот ракомет и не заслужува никаква шанса.
„Вујовиќ беше најдобар ракометар во светот и секоја чест за тоа. Но, немам што да зборувам за неговите тренерски квалитети. Мое мислење е да е тој маргинален лик во хрватскиот ракомет, иако имаше разни улоги кај нас. Не ги заслужи шансите што ги доби и мислам дека неговите тренерски квалитети се еднакви на нула“, изјави Шпрем.
Поранешното лево крило вели дека предводникот на Еурофарм Пелистер е одличен стратег.
„Лино Червар и Жељко Бабиќ се одлични тренери, а Хрватска има многу други добри стручњаци. Секој нешто свое направил и му дал на ракометот. Едноставно, најдобар тренер е тој кој прави резултат“, заврши Шпрем.
Шпрем одигра 109 меча за хрватската репрезентација, а низ кариерата играше за Загреб, Фленсбург, Мелсунген, Нордхорн и Гумерсбах.
ПОВРЗАНИ ВЕСТИ
