Шпанија без ѕвездите од Келце и Висла Плоцк против Македонија

Ракометната федерација на Шпанија извести дека ќе бидат направени две измени во составот со кој ќе патуваат на Медитеранските игри кои ќе се одржат во периодот од 28 јуни до 6 јули во Оран, Алжир.

Селекторот Жорди Рибера дополнително ги повика Хосеп Фолкес, левото крило од Спортинг и Рубен Марчан, пивотот на Нант кои ќе бидат замена за Мигел Санчез Мигалон од Келце, кој се уште има обврски со Келце, и Абел Сердио, кој имаше долга сезона со Висла Плоцк.

Ракометарите на Рибера ќе се обидат да го донесат осмиот медал од Медитеранските игри, злато имаат освоено во 2005 година, а имаат и две сребрени медали и четири бронзени.

Шпанија е во група со Македонија, а во истата група уште се и Грција, Турција и Алжир. Собирот на репрезентацијата на Шпанија е закажан за 17 јуни во Мадрид каде што ќе се подготвуваат до 22 јуни кога патуваат за Оран.