Еден од најдобрите играчи на ова првенство во репрезентацијата на Хрватска, Лука Циндриќ имаше добро издание. Постигна три гола, но во решавачките моменти одлично се снаоѓаше на теренот така што е еден од оние кои имаа добар придонес во победата за полуфинале.
„Мислам дека овој натпревар не беше толку убав, но и ние и тие игравме доста грубо во одбраната. Знаевме дека мораме да одиграме одлично за да ја пробиеме цврстата одбрана на Германија и сметам дека ова е заслужен триумф за нас“, изјави Циндриќ за 24 Ракомет.
Смета дека имале одличен ден и дека ова е враќање за она што го пропуштија во минатата година.
„Ова е најслатката победа. Сè во животот се враќа. Минатата година тие нè победија сега ние им вративме. Така е тоа во спортот“, коментираше Циндриќ за 24 Ракомет.
Следната средба ја имаат в понеделник против Чешка, а потоа в среда се соочуваат со Шпанија во битката за првото место во групата.
ПОВРЗАНИ ВЕСТИ
