Струшкиот турнир без публика, натпреварите гледајте ги на МТВ 3!

Струшкиот турнир годинава го има своето 48. издание и ќе биде само со домашни екипи поради ситуацијата и неможноста да дојдат тимови од странство. Турнирот ќе се игра од 12 до 16 август. Секој ден ќе се играат по три натпревари со исклучок на последниот, финален ден. Натпреварите од вечерните термини во 19:30 часот и 21:15 часот ќе може да ги гледате со преноси на Спортскиот канал МТВ 3.

Со оглед на тоа што нема да има гледачи на отвореното ракометно игралиште „Горан Попоски Бабец“, ова ќе биде одлична можност за љубителите на ракометот преку преносите на МТВ 3 да се уверат во квалитетот на македонските екипи.

По повеќегодишна пауза Вардар повторно ќе игра на турнирот, а според составот на екипите ова ќе биде „првенство на Македонија” во мало, бидејќи ќе има осум екипи, сите од Суперлигата. Покрај Вардар, кој ќе игра во едната група со Охрид, Бутел и Еурофарм Пелистер 2, во другата се домаќинот Струга, Прилеп, Еурофарм Пелистер и Металург.

РАСПОРЕД НА НАТПРЕВАРИТЕ

СРЕДА, 12 АВГУСТ
17:15 СТРУГА – ПРИЛЕП
18:45 СВЕЧЕНО ОТВОРАЊЕ
19:30 БУТЕЛ СКОПЈЕ – ОХРИД (МТВ 3)
21:15 ЕУРОФАРМ ПЕЛИСТЕР – МЕТАЛУРГ (МТВ 3)

ЧЕТВРТОК, 13 АВГУСТ
17:15 БУТЕЛ СКОПЈЕ – ЕУРОФАРМ ПЕЛИСТЕР 2
19:30 МЕТАЛУРГ – ПРИЛЕП (МТВ 3)
21:15 ВАРДАР – ОХРИД (МТВ 3)

ПЕТОК, 14 АВГУСТ
17:15 ЕУРОФАРМ ПЕЛИСТЕР – ПРИЛЕП
19:30 СТРУГА – МЕТАЛУРГ (МТВ 3)
21:15 ВАРДАР – ЕУРОФАРМ ПЕЛИСТЕР 2 (МТВ 3)

САБОТА, 15 АВГУСТ
17:15 ОХРИД – ЕУРОФАРМ ПЕЛИСТЕР 2
19:30 СТРУГА – ЕУРОФАРМ ПЕЛИСТЕР (МТВ 3)
21:15 ВАРДАР – БУТЕЛ СКОПЈЕ (МТВ 3)

НЕДЕЛА, 16 АВГУСТ
10:00 НАТПРЕВАР ЗА 7 МЕСТО
17:45 НАТПРЕВАР ЗА 5 МЕСТО
19:30 НАТПРЕВАР ЗА 3 МЕСТО (МТВ 3)
21:15 ФИНАЛЕ (МТВ 3)