Екипата на Струга има ново засилување за следната сезона откако падна договор со пивотот од Прилеп, Пеце Ѓорѓиоски. Некогашниот младински репрезентативец на Македонија доаѓа од тимот на ГРК Тиквеш и со своето искуство ќе биде големо засилување за тимот од Струга.
Ѓорѓиоски е пивот кој има повеќе од една деценија на настапи во Супер машката лига и играч кој добро знае што значи да се игра во ова натпреварување.
Со неговото доаѓање Струга добива квалитетен и искусен играч во одбраната, но и ракометар кој ќе може да помогне и во нападот што отвора простор за надигрување со другите тимови бидејќи стружани стануваат посилни од лани на повеќето од позициите.
Пеце Ѓорѓиоски потекнува од школата на Прилеп, а во својата кариера го носеше дресот и на: ТК Бренд, Пролет, Пелистер, Охрид, Работнички и Радовиш.