Денеска на отвореното игралиште „Горан Попоски Бабец“ ќе започне новото издание на Струшкиот турнир.
Првиот натпревар ќе го одиграат домаќинот, тимот на Струга и новакот во суперлигашкото друштво, Прилеп.
Тренерот на прилепчани, Горан Кузманоски, вели дека нема резултатски очекувања од турнирот, туку целта е да се воиграат новите ракометари и да се видат можностите на младите играчи.
„Немаме преголеми очекувања, Прилеп одамна нема играно на турнирот, а дел од играчите ќе играат првпат на ваков турнир. Имаме многу нови ракометари, нова екипа сме, краток период тренираме заедно и резултатот нема да ни биде приоритет. Ние почнуваме од нула, па ќе ги искористиме натпреварите за да ги видиме можностите на сите ракометари, до каде се и што можат. Имаме уште двајца ракометари од Грузија, кои наскоро треба да бидат промовирани, а во меѓувреме договоривме пријателски натпревари по завршувањето на турнирот со Охрид, Еурофарм Пелистер 2, Пролет“, вели Кузманоски за 24Ракомет.
Натпреварот меѓу Струга и Прилеп започнува денеска од 17:15 часот, а во групата се уште екипите на Еурофарм Пелистер и Металург.
ПОВРЗАНИ ВЕСТИ
