Тимот на Спартак Кисела Вода ја оствари третата победа во оваа сезона од Женската лига, откако славеше на гостински терен кај составот на Шампион со убедливи девет голови разлика, 22-31.
Беше неизвесно само во првите десетина минути кога беше 3-3. Потоа Спартак поведе со 3-6, а до крајот на полувремето избраничките на Велимир Мицевски стигнаа до солидна залиха од четири гола, 10-14.
Домашните ракометарки успеаја да намалат на минус два на стартот на вториот дел, 12-14, но немаа сили за да го загрозат гостинското водство. Откако Спартак се одлепи на плус пет, 13-18, немаше дилеми до крајот околу победникот.
Најдобри стрелци во победничкиот тим беа Ана Марија Коларовска со девет голови, како и Ана Георгиевска и Маја Китановска со по шест погодоци. Во тимот на Шампион се истакна Ангела Петровска со шест гола.
ПОВРЗАНИ ВЕСТИ
