Прилепчани слават прва победа, но мораа добро да се испотат против Вардар Неготино

Ракометарите на Прилеп ја остварија првата победа во новата сезона во суперлигашкото друштво, откако славеа над Вардар Неготино на домашен терен со четири гола разлика, 22-18. Гостите успешно парираа во првото полувреме, но на стартот на вториот дел Прилеп направи висока предност од осум гола, која за момент беше загрозена од неготинци, но

Ташев и Орешков му донесоа на Вардар Неготино почетно водство со 2-0, но следуваше пресврт на домашните со три гола во серија, пред Пеовски да израмни на 3-3 по десетина минути игра.

Во следниот период голманите Ангелов и Христоски бранеа солидно, но имаше и грешки на двете страни, па до крајот на првото полувреме беа постигнати само уште шест погодоци за 20 минути, 7-5.

Клучниот период на мечот се случи на стартот на второто полувреме. По 13-10, прилепчани казнија неколку грешки за 18-10, ико останаа без еден од важните ракометари, левиот бек Гавашелишвили, кој доби црвен картон по трето исклучување.

По 20-12, на гостинскиот гол се врати Ангелов, тоа внесе дополнителна сигурност кај неготинци, кои не се откажуваа од камбек во мечот. Пеовски, Михајловиќ и Емини погодија за 20-17 и внесоа немир кај домашните.

Чантурија мораше да бара тајм-аут, па Бикоски реализираше за 21-17. Гостите добија уште една шанса, но Христоски одбрани. До крајот прилепчани не дозволија изненадување и успешно ја задржаа предноста.

Најдобри стрелци во победничката екипа беа Давор Шокоски со шест и Христи Бикоски со пет погодоци, додека кај Вардар Неготино по три гола дадоа Емини, Орешков, Михајловиќ, Петров и Пеовски.