Женската репрезентација на Украина има намера да продолжи со настапите во квалификациите за ЕП 2022 година кое заеднички ќе го организираат Македонија, Црна Гора и Словенија
Ракометната федерација на Украина веќе го испратила својот став до ЕХФ, но и до селекциите кои се натпреваруваат во четвртата квалификациска група (Хрватска, Франција и Чешка). Украинската репрезентација е подготвена своите домашни натпревари да ги игра на неутрален терен.
До овој момент избраничките на Виталиј Андронов одиграа два натпревари: На гости ја совладаа Хрватска (22:23) и изгубија од Франција дома со 28:25.
Датумите и местата каде би играла Украина секако треба да бидат одобрени од ЕХФ. До крајот на квалификациите тие треба да играат два натпревари со Чешка (дома и гости) и по еден со Франција (гости) и Хрватска (дома).
СИТУАЦИЈАТА ВО ГРУПАТА: 1. Франција – 8 бода (четири натпревари) 2. Украина – 2 бода (два натпревари. 3. Хрватска – 2 бода (четири натпревари) 4. Чешка – 0 бода (два натпревари)
ПОВРЗАНИ ВЕСТИ
