Екипата на Тримо Требње каде што настапува Тоше Ончев ја оствари третата победа во првенството на Словенија откако го совлада тимот на Иванчна Горица со 30:27.
Тоше Ончев уште еднаш придонесе во победата на својот тим со три гола и беше сигурен реализатор на седмерците.
Тримо имаше постојано водство, а на полувреме замина со предност од 16:12. Во продолжението без поголеми проблеми го приведоа натпреварот до крај за перфектен старт на сезоната.
Тримо после три кола е на првата позиција со шест бода пред Слован и Целје. Во следното коло Ончев и соиграчите гостуваат кај Марибор.