Капитенот на репрезентацијата на Македонија, Кирил Лазаров, доби уште едно признание, а ова доаѓа од ракометната публика во Данска.
Тој беше избран за најдобар десен бек во последните десет години така што ова е само уште еден доказ за неговите играчки квалитети.
Лазаров беше во конкуренција со Алекс Душебаев, Хорхе Македа, Ласло Наѓ и Холгeр Гландорф, нашиот репрезентативец доминира со 59%. Читателите на TV 2 DK гласаа за сите позиции, а Лазаров не е единствениот кој не е од Данска, а е во најдобриот тим.
Покрај Лазаров тука се и Французинот Никола Карабатиќ и Норвежанецот Бјарте Мирхол.
Во Топ 7 имаше место за:
ГОЛМАН: Никлас Ландин (Данска)
ЛЕВО КРИЛО: Андреас Егерт (Данска)
ДЕСНО КРИЛО: Ласе Сван Хансен (Данска)
ЛЕВ БЕК: Микел Хансен (Данска)
ЦЕНТРАЛЕН БЕК: Никола Карабатиќ (Франција)
ДЕСЕН БЕК: Кирил Лазаров (Македонија)
ПИВОТ: Бјарте Мирхол (Норвешка)
Во изборот за најдобрите седум беа и ракометарите на Вардар, Иван Чупиќ и Тимур Дибиров, но тие немаа доволно освоени гласови за да се најдат во Топ 7.
ПОВРЗАНИ ВЕСТИ
