На дуелот меѓу Шпанија и Хрватска: Петмина екс вардарци на терен!

Денеска во „Штадхале Арена“ во Виена ќе се одиграат последните три натпревари од главната рунда на Европското првенство. Дербито на денот ќе биде дуелот меѓу Шпанија и Хрватска.

Таа репрезентација што ќе победи ќе го освои првото место во групата и ќе го избегне првопласираниот тим во другата група, а тоа најверојатно ќе биде еден од главните фаворити за злато – Норвешка.

Интересен факт за овој натпревар е што на теренот во „Штадхале“ ќе бидат петмина ракометари од златната генерација на Вардар од 2017 година.

Лука Циндриќ и Игор Карачиќ на една страна за Хрватска, ќе играат против Шпанците Жоан Кањелас, Хорхе Македа и Алекс Душебаев.

Натпреварот започнува од 16:00 часот.