Македонија беше блиску до сет, но загуби од Романија

Женската репрезентација на Македонија одново загуби на Европското првенство во ракомет на плажа што се игра во португалскиот град Назаре.

По поразот од Италија, избраничките на Златко Мојсоски загубија со 2-0 од селекцијата на Романија во групата за разигрување за пласман.

Првиот сет го доби Романија со убедливи 25-14, но во вториот Македонија беше блиску да избори трет сет.

Сепак на крајот Романките го добија со 15-14 и со 2-0 го затворија овој натпревар. За Македонија останува средбата со Унгарија денеска од групата за разигрување.

Ана Марија Божиновска беше најдобар поентер со 12 поени, додека Теодора Гулицоска додаде уште шест.