Романскиот тим Фочани, за кој настапува македонскиот репрезентативец Горан Крстевски, обезбеди место во осминафиналето на Европскиот Куп.
По триумфот над Хаукар на првиот меч во Романија со 28-26, Фочани загуби на Исланд на реваншот со 27-26, па со еден гол предност во двомеч обезбеди место во следната фаза.
Фочани водеше со 19-23, но домаќините направија комплетен пресврт. Крстевски даде четири гола од седум обиди, а последниот беше најважен за 25-26.
До крајот домашните дадоа два брзи гола, но немаше време за нешто повеќе и Фочани обезбеди место во осминафиналето на Европскиот Куп. Уште еден Македонец, Виктор Гигов, со грчкиот тим ПАОК ќе игра во оваа фаза.
ПОВРЗАНИ ВЕСТИ
