Ракометарките на Романија имале тешко патување од дури 19 часа до Фарски Острови.
Репрезентативките на Романија патот кој се претворил во вистински кошмар го започнале во понеделник во 10:00 часот наутро од Букурешт. Во 12:25 часот полетале за Копенхаген каде што пристигнале во 15:00 часот. Поради силниот ветер кој дувал во областа на аеродромот летот на релација Копенхаген-Сровагур со кој требало да лета репрезентација се одложувал неколку пати.
Романските медиуми ја критикуваат одлуката на Федерација која и покрај 850.000 евра на нејзината сметка која ги имала на почетокот на годината не организирала чартер лет за претпоследниот натпревар во квалификациите за Европското првенство.
Во медиумите е објавена е и фотографија од разговорот во „ВатсАп“ групата на романската репрезентација.
Романија има обврска од победа во натпреварот против Фарски Острови ако сака да ги задржи шансите за пласман на Европското првенство.
ПОВРЗАНИ ВЕСТИ
