Ракометарите на КЛ7 според очекувањата, остварија лесна и планирана победа над составот на Астраион Струмица со 36-23 во рамките на разигрувањето за опстанок во суперлигашкото друштво.
Домашните уште на стартот направија огромна залиха и поведоа со 10-3, па уште тогаш беше јасно дека до крајот ќе се бројат само головите. Водеше КЛ7 со 14-8, но во финишот на полувеме струмичани успеаја да ја ублажат негатиивата и намалија на 15-11.
По 18-13 на стартот на вториот дел, со серија од четири голови избраниците на Игор Котевски се одлепија на 22-13. Шанса за настап добија сите ракометари од клупата на домашниот тим, кои рутински ја одржаа и зголемија предност до крајот, 36-23.
Најдобри стрелци во составот на КЛ7 каде недостигаа Петковски и Ѓорговски, беа Стојковиќ и Илиески со по шест погодоци, одека кај струмичани се истакнаа Котевски со осум и Ефтимов со шест гола.