После подолго време повторно на терените низ Европа имаше повеќе натпревари на програмата. Освен турнирот во Струга, пријателски натпреварии се одиграа во Хрватска и во Белорусија.
Во пријателски натпревар помеѓу најдобрите екипи од Хрватска, Загреб и Нексе подобра беше екипата предводена од Игор Вори со 30:24. Првиот дел од натпреварот беше изрманет и на полувреме беше нерешено 14:14. Сепак во вториот дел подобро издание имаше Загреб и на крајот успеа да триумфира.
Најефикасни во екипата на Загреб беа Вуглач и Матановиќ со по пет гола, Чавар постигна четири, а Божовиќ три гола. Голманите имаа скромно издание, Ашанин одбрани пет удари, а Јандриќ само еден. Во составот на Нексе Радовановиќ и Пешиќ со по пет гола беа најпрецизни, додека Јагањац постигна четири гола. Голманите Кузмановиќ и Цар собраа вкупно осум одбрани.
Мешков Брест и Мотор Запорожје одиграа контролен меч на кој победата ја однесе тимот од Украина со 30:27. Мешков имаше одлично издание во првиот дел и на полувреме водеше со високи 17:10. Во второто полувреме доминираше екипата на Мотор Запорожје, во 49. минута израмнија на 22:22 а до крај на мечот направија целосен пресврт.
Мотор Запорожје и Мешков Брест ќе одиграат уште една пријателска средба која исто така ќе се игра во арената Викторија во Брест.