Драма покрај езерото: Пролет ита кон Европа, го собра цел плен од Охрид!

Ракометарите на Охрид останаа надвор од трката за место во европските купови, откако на домашен терен загубија од составот на Пролет во драматичен натпревар со 21-22.

Гостите отворија со предност 0-2, со головите на Димов и Потиќ, но охриѓани набрзина возвратија и до финишот на полувремето се играше гол за гол. Тогаш избраниците на Раде Стојановиќ со три гола за помалку од две минути ја направија највисоката предност.

Блажески од пенал и капитенот Андоновски на два пати го најдоа патот до мрежата на Ангелов, па Охрид на пауза замина со плус три, 11-8.

На стартото на второто полувреме, Охрид стигна до плус четири, 13-9, но колку што тешко домашните ја стекнаа оваа залиха, толку лесно ја загубија. Гостите од Скопје преку Палевски, Пецаковски и Џонов стрелаа во домашниот гол и намалија на 13-12.

Охриѓани водеа со 17-14, но повторно затаија во нападот и немаа многу инвентивност, па Пролет ги казни сите грешки и на седум минути до крајот беше 17-17. Гостите не само што израмнија, туку и поведоа со 17-20 и ги оддалечија домашните од борбата барем за бод.

Намали Охрид набрзина на 19-20, а имаше да се игра уште минута и пол. Андоновски погоди од една безизлезна ситуација, а Манасков возврати на спротивната страна. Пролет направи грешка и Николов погоди за реми. Сепак за полн плен на гостите од ова тешко гостување се погрижи капитенот Ласко Андоновски со голот на пет секунди до крајот.

ОХРИДПРОЛЕТ 19 мај 2021 21 - 22 Крај

Детали

Датум	Време	Лига	Сезона	Match Day	Крај
19 мај 2021	20:02	REГУЛАРЕН ДЕЛ | ПЛЕЈ ОФ СУПЕРЛИГА	2020/2021	19.05.2021	60'

Место

СРЦ „Билјанини извори“

Резултати

Екипа	1-во полувреме	2-ро полувреме	Резултат
ОХРИД	11	21	Пораз
ПРОЛЕТ	8	22	Победа

ОХРИД

#	Играч	Позиција	Исклучување	Голови
1	Јагош Брауновиќ	голман	0	0
4	Крсте Андоновски	лево крило	1	3
5	Мартин Ивановски	централен бек	0	2
7	Бобан Блажески	десно крило	0	1
8	Наум Костов	десно крило	0	0
9	Игор Чагаљ	пивот	2	1
10	Филип Николов	десен бек	1	3
11	Михаил Иваноски	десен бек	0	0
13	Борче Соколов	централен бек	0	0
14	Михајло Младеновиќ	лев бек	0	2
19	Иван Тасески	пивот	1	0
24	Мартин Манасков	лев бек	2	7
35	Николче Ристески	лево крило	0	0
55	Христијан Димитриески	пивот	0	0
94	Денис Тот	десен бек	0	2
97	Никола Даниловски	голман	0	0
	Вкупно		7	21

ПРОЛЕТ

#	Играч	Позиција	Исклучување	Голови
3	Филип Василевски	пивот	0	0
4	Михаил Аларов	пивот	2	3
7	Кристијан Давитковски	десен бек	0	0
8	Дејан Пецаковски	лев бек	2	2
10	Стефан Донев	пивот	0	0
11	Виктор Додевски	десно крило	0	0
13	Мартин Димов	десно крило	0	2
15	Ласко Андоновски	централен бек	0	5
18	Иван Џонов	лев бек	0	1
19	Доне Мајнов	десен бек	0	0
20	Виктор Дамчевски	лево крило	0	0
26	Петар Ангелов	голман	0	0
33	Јане Цветковски	голман	0	0
55	Никола Потиќ	десен бек	1	3
71	Давор Палевски	лево крило	0	2
99	Жарко Пејовиќ	централен бек	1	4
	Вкупно		6	22

Officials

Судии:	Делегат:
АНГЕЛЕСКИ ГОРАН СЕДЛОСКИ РУБИНЧО	КАЛАНОСКИ СЛАВЧО