ДРАМА во Кавадарци: Еурофарм Пелистер 2 чекор поблиску до плеј-оф, му сервираше слатка одмазда на Тиквеш!

Ракометарите на Еурофарм Пелистер 2 му се одмаздија на Тиквеш за поразот во првиот меч оваа сезона и прославија победа во Кавадарци со 26-27. Со овие бодови битолчани се чекор поблиску до остварување на целта – пласман во плеј-офот, иако има уште да се игра до крајот на регуларниот дел од Суперлигата.

Домашниот тим поведе преку искусните Јанчев и Лазов со 2-0, но набрзина следуваше одговор на спротивната страна од битолчани и израмнување на 2-2 преку Талевски и Кузманоски.

По 3-2 за Тиквеш, гостинските ракометари направија пресврт 3-5, а таквата предност од два до три гола ја одржуваа и во продолжение од мечот, најмногу по заслуга на голманот Филип Ивановски, кој имаше осум интервенции. На пауза се замина со 9-11.

Битолчани не попуштаа во темпото ниту на стартот на вториот дел. На секој гол на кавадарчани, Петровски и Талевски одговараа со погодоци и предноста на Еурофарм Пелистер беше плус три, 13-16.

Тиквеш го искористи исклучувањето на Димитровски, па преки Симиќ и Медиќ намали на 15-16. Но повторно домашните имаа грешки во нападот, па битолчани стигнаа и до максимални плус четири, 15-19, на петнаесетина минути до крајот.

Симиќ и на два пати левото крило Коцев погодија за 20-21, а откако гостите промашија преку Димитровски, Тиквеш преку Смиљаниќ израмни на 21-21 во 52. минута. Пикерот на домашните, Ѓорѓиоски доби црвен картон поради три исклучувања, а крилата на гостите Кузманоски и Стоилевски донесоа 21-23 на пет минути до крајот. Имаше Еурофарм Пелистер 2 шанса за плус три, но не ја искористи.

Но ниту Тиквеш не погоди, па Кузманоски ги однесе битолчани на 21-24. Симиќ на два пати реализираше за 23-24, но повторно левото крило на гостите даде гол за 23-25. Повторно Србинот од кавадаречкиот тим стрела за минус еден, 24-25.

Во последната минута беше 25-26, па 26-27, а имаше уште некоја секунда за домашните да изборат барем бод, но не се снајдоа и победата ја однесоа битолчани. Најдобри стрелци кај победникот беа Кузманоски со осум и Талевски со шест погодоци, а голманот Ивановски имаше 12 интервенции. Кај Тиквеш се истакнаа Симиќ со седум и Јанчев со шест голови.

ТИКВЕШ 2014ЕУРОФАРМ ПЕЛИСТЕР 2 5 декември 2020 26 - 27 Крај

Детали

Датум	Време	Лига	Сезона	Match Day	Крај
5 декември 2020	19:35	МИНИ ТАБЕЛА СУПЕРЛИГА Б	2020/2021	05.12.2020	60'

Место

СЦ „Јасмин“

Резултати

Екипа	1-во полувреме	2-ро полувреме	Резултат
ТИКВЕШ 2014	9	26	Пораз
ЕУРОФАРМ ПЕЛИСТЕР 2	11	27	Победа

ТИКВЕШ 2014

#	Играч	Позиција	Исклучување	Голови
1	Александар Мицев	голман	0	0
3	Душан Медиќ	централен бек	0	4
4	Борис Ристовски	централен бек	0	0
9	Орданчо Лазов	лево крило	0	3
12	Марјан Велков	голман	0	0
14	Костадин Петров	пивот	0	0
15	Вања Смиљаниќ	десен бек	0	2
16	Васо Димитров	голман	0	0
17	Пеце Ѓорѓиоски	пивот	3	0
18	Страхиња Симиќ	централен бек	0	7
19	Дејан Гошевски	десен бек	0	0
26	Ристо Окардов	пивот	0	1
33	Димитар Коцев	лево крило	0	3
33	Стефан Колоски	лев бек	0	0
77	Јане Јанчев	централен бек	0	6
	Вкупно		3	26

ЕУРОФАРМ ПЕЛИСТЕР 2

#	Играч	Позиција	Исклучување	Голови
3	Цветан Кузманоски	лево крило	1	8
4	Јован Талевски	централен бек	0	6
5	Игор Петковски	-	0	0
7	Дарио Петровски	лев бек	0	4
9	Васко Димитровски	пивот	0	1
12	Филип Ивановски	голман	0	0
14	Филип Јовановски	-	0	0
22	Иван Димитровски	лево крило	2	0
23	Стефан Талевски	централен бек	0	3
24	Никола Стоилевски	десно крило	0	3
33	Петар Атанасијевиќ	лев бек	0	0
44	Ненад Белистојановски	-	0	0
51	Димитар Бардакоски	голман	0	0
55	Стефан Дрогришки	лев бек	3	2
88	Димитриј Блажевски	десен бек	0	0
99	Филип Арсеновски	пивот	0	0
	Вкупно		6	27

Officials

Судии:	Делегат:
НАЧЕВСКИ ЃОРЃИ НИКОЛОВ СЛАВЕ	ЈАНЕВСКИ ЉУПЧО

Јовиќ: Ништо не е решено, но Еурофарм Пелистер 2 заслужува да игра во плеј-офот!

Петрески: Иако губевме цел натпревар, на крајот бевме во игра најмалку за реми, но…

Талевски: Карактерот дојде до израз во Кавадарци, но допрва треба да докажеме дека вредиме како тим

Симиќ: Тиквеш никогаш не се откажува, зошто да не ги победиме Бутел или Металург