Откако завршија натпреварите од регуларниот дел во Суперлигата во машка конкуренција, на македонска сцена активни ќе бидат дуелите од Женската лига и од Првата лига. На денешната програма ќе бидат одиграни четири дуели, два прволигашки и два дуели во рамки од Женската лига.
Во Штип кај Текстилец ќе гостува Шампион, додека Јехона на свој терен ќе го пречека Младост од Богданци. Кај дамите, еден од тимовите кои претендираат за висок пласман – Чаир ќе игра против дебитантот Скопје. Поранешниот шампион на Македонија, Металург, кој во минатата сезона го освои Куп трофејот, ќе ги одмери силите со незгодната Стружанка.
На европска сцена активни ќе бидат дел од македонските интернационалци. Свој настап ќе има Филип Кузмановски со Хановер, потоа Андреа Седлоска и Локомотива во Загреб ќе имаат тежок дуел против Мец во рамки од Лигата на шампионите, голманот на Македонија, Никола Митревски заедно со Порто ќе играат во денешното финале на Иберискиот Суперкуп, а противник ќе му биде каталонскиот гигант Барселона, Сара Ристовска и ЦСКА Москва ќе имаат нов предизвик во рускиот шампионат, додека Симона Гроздановска со Винтертур во натпревар шампионатот на Швајцарија ќе атакуваат на победа против екипата на Амичитија Цирих.
Денешната ракометна програма ќе биде збогатена со уште два дуели во Лигата на шампионите. ЧСМ Букурешт пред својата публика ќе му се спротистави на актуелниот европски шампион Вајперс Кристијансад и ќе се обиде да го преземе првото место во групата А. Бундеслигашот Битингхјам во натпревар од 9. коло од најквалитетното европско натпреварување ќе го пречека Оденсе.
ДЕНЕСКА НА ТЕРЕНИТЕ:
13:00 ТЕКСТИЛЕЦ – ШАМПИОН (МАКЕДОНИЈА)
14:00 БИТИНГХЈАМ – ОДЕНСЕ (ЛИГА НА ШАМПИОНИ)
14:00 ЛОКОМОТИВА ЗАГРЕБ – МЕЦ (ЛИГА НА ШАМПИОНИ)
14:00 ФЛЕНСБУРГ – КИЛ (БУНДЕС ЛИГА)
14:00 ГЕПИНГЕН – ХАНОВЕР (БУНДЕС ЛИГА)
14:00 ГУМЕРЗБАХ – ФУКСЕ БЕРЛИН (БУНДЕС ЛИГА)
14:00 ВЕЦЛАР – РАЈН НЕКАР (БУНДЕС ЛИГА)
14:00 ЈАРОСЛАВ – ЉУБЛИН (ПОЛСКА)
14:00 КРАСНОДАР – ЦСКА МОСКВА (РУСИЈА)
15:00 ЈЕХОНА – МЛАДОСТ (МАКЕДОНИЈА)
15:45 ГРАЊОЛЕРС – СПОРТИНГ (ИБЕРИСКИ СУПЕРКУП)
16:00 ЧСМ БУКУРЕШТ – КРИСТИЈАНСАД (ЛИГА НА ШАМПИОНИ)
16:00 ЦЕЛЈЕ – ГРАДЕЦ (СЛОВЕНИЈА)
16:00 ЦИРИХ – ВИНТЕРТУР (ШВАЈЦАРИЈА)
17:00 ДУНАЈВАРОШ – ШИОФОК (УНГАРИЈА)
17:00 ГОРИЦА – РУДАР (ХРВАТСКА)
17:00 ПРЕШОВ – НОВЕ ВЕСЕЛИ (ЕКСТРА ЛИГА)
17:30 ЧАИР – СКОПЈЕ (МАКЕДОНИЈА)
18:00 БАЛАТОНФУРЕДИ – ФЕРЕНЦВАРОШ (УНГАРИЈА)
18:00 БАРСЕЛОНА – ПОРТО (ИБЕРИСКИ СУПЕРКУП)
18:00 СТРУЖАНКА – МЕТАЛУРГ (МАКЕДОНИЈА)
18:30 ПОРЕЧ – ТРОГИР (ХРВАТСКА)
18:30 ВОЈВОДИНА – МЕТАЛОПЛАСТИКА (СРБИЈА)
19:00 ЛАЈПЦИГ – БЕРГИШЕР (БУНДЕС ЛИГА)
19:00 СЕСВЕТЕ – МОСЛАВИНА (ХРВАТСКА)
19:00 РИБНИЦА – ОРМОЖ (СЛОВЕНИЈА)
19:00 ЕКС АН ПРОВАНС – НАНТ (ФРАНЦИЈА)
ПОВРЗАНИ ВЕСТИ
