На ракометната програма во Македонија денес ќе има шест дуели, од кои четири во Супер лигата и по еден дуел во прволигашката конкуренција и единствената лига кај дамите.
Екипата на Голден Арт, која се наоѓа во победнички ритам, гостува кај Јуниор КВ. Ракометарите на Владимир Глигиров имаат голема шанса да продолжат со серијата победи и со нова евентуална победа да се зацврстат на првото место во борбата за опстанок.
Јуниор КВ се наоѓа во опасната зона за испаѓање и во досегашниот тек од плеј-аут фазата оствари две победи, две средби одигра нерешено и загуби четири пати. Секој освоен бод за Јуниор КВ ќе биде од голема важност за зачувување на суперлигашкиот статус.
Ракометарите на Тиквеш, кои претендираат да изборат излез на европска сцена, ќе имаат второ соочување со Пролет. Првиот меѓусебен дуел, кој беше одигран на почетокот во плеј-оф фазата, заврши со победа на тимот од Кавадарци од пет гола разлика, 29:24.
Вардар Неготино на свој терен ќе го пречека ,,фенерџијата” Радовиш, додека Скопје ќе му гостува на Прилеп.
Кај дамите ќе се одигра еден дуел, во кој поранешниот шампион Куманово за ривал во 4. коло во разигрувањето за титулата ја има Стружанка.
Низ Европа ќе се игра во шампионатите на Романија, Норвешка, Данска, Естонија, Чешка, Словенија, како и во регионалната СЕХА лига.
ДЕНЕСКА НА ТЕРЕНИТЕ:
14:30 БАЈА МАРЕ – БУЗАУ (РОМАНИЈА)
16:30 КОНСТАНТА – ДИНАМО (РОМАНИЈА)
17:00 СТРУЖАНКА – КУМАНОВО (МАКЕДОНИЈА)
17:00 ГРЦИЈА – ГЕРМАНИЈА (БАРАЖ ЗА СП)
17:30 СЛОВЕНИЈА – ИТАЛИЈА (БАРАЖ ЗА СП)
18:00 ЈУНИОР КВ – ГОЛДЕН АРТ (МАКЕДОНИЈА)
18:00 ХРВАТСКА – СЛОВАЧКА (БАРАЖ ЗА СП)
18:00 ТАЛИН – ПОЛВА (ЕСТОНИЈА)
18:00 КЕХРА – МИСТРА (ЕСТОНИЈА)
18:00 ДРАМЕН – НАЕРБО (НОРВЕШКА)
18:05 ЗАГРЕБ – НЕКСЕ (СЕХА)
18:05 ВЕСПРЕМ – ПАРТИЗАН (СЕХА)
18:15 УНГАРИЈА – ИСЛАНД (БАРАЖ ЗА СП)
18:30 ВАРДРА НЕГОТИНО – РАДОВИШ (МАКЕДОНИЈА)
18:30 ЗУБРИ – ПЛЗЕН (ЧЕШКА)
19:00 ТИКВЕШ – ПРОЛЕТ (МАКЕДОНИЈА)
19:00 КОЛДИНГ – СКЈЕРН (ДАНСКА)
19:30 ФРЕДЕРИЦИЈА – ГОГ (ДАНСКА)
19:30 КРШКО – КОПЕР (СЛОВЕНИЈА)
19:30 КАРВИНА – ЛОВОСИЦЕ (ЧЕШКА)
20:00 ПРИЛЕП – СКОПЈЕ (МАКЕДОНИЈА)
20:00 ШАМПИОН – ДРАЧЕВО (МАКЕДОНИЈА)
20:15 КОСОВО – ПОЛСКА (БАРАЖ ЗА СП)
20:45 ШПАНИЈА – АВСТРИЈА (БАРАЖ ЗА СП)
21:15 РОМАНИЈА – ПОРТУГАЛИЈА (БАРАЖ ЗА СП)
ПОВРЗАНИ ВЕСТИ
