Денес ќе се одигра финалето, како и натпреварот за трето место на Ф4 турнирот од дивизијата „Исток“ во СЕХА лига.
За златниот медал ќе се борат двете најдобри екипи од Белорусија, Мешков Брест и СКА Минск.
Мешков Брест, кој е истакнат фаворит, во полуфиналето славеше над Пермски Медведи со 34:33, додека неговиот главен ривал од домашниот шампионат СКА Минск во полуфиналниот дуел против Чеховски Медведи направи изненадување и стигна до победа од 34:32.
Пермски Медведи и Чеховски Медведи ќе се борат за трето место, односно за бронзениот медал.
Со почеток од 18:15 часот интересен дуел се очекува меѓу екипите на Луцерн и Кадетен Шафхаузен, кои денес ќе го одиграат третиот дуел од финалната серија.
Тимот на Кадетен Шафхаузен води со 2-1 против Луцерн и со евентуален триумф би ја одбранил шампионската титула.
ДЕНЕСКА НА ТЕРЕНИТЕ:
17:00 ЧЕХОВСКИ МЕДВЕДИ – ПЕРМСКИ МЕДВЕДИ (СЕХА)
18:15 ЛУЦЕРН – КАДЕТЕН (ШВАЈЦАРИЈА)
18:30 НИКОБИНГ – ИКАСТ (ДАНСКА)
19:05 ЕРЛАНГЕН – ФЛЕНСБУРГ (БУНДЕС ЛИГА)
19:05 ГУМЕРЗБАХ – ГЕПИНГЕН (БУНДЕС ЛИГА)
19:05 ХАНОВЕР – МИНДЕН (БУНДЕС ЛИГА)
19:05 МАГДЕБУРГ – ШТУТГАРТ (БУНДЕС ЛИГА)
20:00 СКА МИНСК – МЕШКОВ БРЕСТ (СЕХА)
20:15 ЕСБЈЕРГ – ОДЕНСЕ (ДАНСКА)