Составот на Гевгелија се избори за нови бодови на гостувањето кај Шампион во Скопје победувајќи со 30:25 со што си обезбеди нова очекувана победа.
Гевгеличанки имаа подобар почеток на натпреварот и обезбедија предност од четири гола, 7:3, а потоа следуваше подобра игра на домашните кои се вратија во натпреварот и успеаја да стигнат до резултатски приклучок и да стигнат и до израмнување на9:9.
До крајот на првиот дел тимот на Шампион дојде и до водство и на одмор замина со 13:12.
Вториот дел од натпреварот мина во знакот на гостинките. Откако Шампион дојде до 19:16 почна поправање на работите и дојде до пресврт. Следуваа четири гола на ракометарките од Гевгелија и стигнаа до предност од 20:19.
Разликата постојано се зголемуваше и до крајот стигна до пет погодоци за конечни 30:25.
Во денешната победа најефикасна беше Драгица Митрова со 12 погодоци, а седум имаше Михаела Митревска. Во тимот на Шампион, Мила Филипова имаше осум гола.
СУПЕР ЖЕНСКА ЛИГА – ТАБЕЛА
ПОВРЗАНИ ВЕСТИ
