Вардар Неготино донесе две засилувања, преговара и со Петар Ангелов!

Прволигашот Вардар Неготино на стартот на сезонава немаше преголеми амбиции, но како одминуваше времето, победите се редеа, амбициите се зголемија, па сега неготинци сакаат да играат важна улога во плеј-офот.

Тие веќе се на подготовки Србија, заедно со двете нови засилувања. Станува збор за досегашниот ракометар на Аеродром – Небојша Василевски, кој настапува на пикерската позиција, како и десниот бек од Македонија Ѓорче Петров – Иван Митревски.

Покрај овие двајца играчи, раководството на Вардар Неготино преговара и со поранешниот репрезентативен голман Петар Ангелов, кој има понуди од три суперлигашки екипи и од уште еден прволигаш.