Репрезентацијата на Белорусија стартуваше со победа на Европското првенство во Австрија, Норвешка и Шведска.
Избраниците на Јуриј Шевцов славеа над северниот сосед Србија со 35-30. Се играше гол за гол десетина минути, но неколку промашувања на Србите и Белорусија веќе се одлепи на 10-6.
До крајот на полувремето Србија ја стегна одбраната, Иванишевиќ фати некоја топка, а Радивојевиќ и Илиќ казнија со брзи голови, па на пауза се замина со 16-15 за Белорусија.
Во вториот дел имаше неизвесност десетина минута, потоа Каралек, Кулеш и компанија се одлепија на 25-20, па до крајот немаше дилеми која репрезентација ќе победи.
Најдобри стрелци во победничката репрезентација беа Kаралек со осум и Шилович со пет, додека кај Србија се истакна Радивојевиќ со шест. Во вториот натпревар од групата А ќе играат Црна Гора и Хрватска.
ПОВРЗАНИ ВЕСТИ
