Тимот на Куманово со голем пресврт во второто полувреме прослави победа против незгодниот Пелистер со 27-23, во натпревар од 22 коло во Женската лига.
Битолчанки во првиот дел беа рамноправни, но во последните пет минути не постигнаа гол, и од водство со 11-10, се замина на пауза со предност на Куманово со 14-11.
Но тоа не ги откажа гостинките, и во средината на вториот дел стигнаа до највисока предност, плус четири, 22-18.
Оттогаш до крајот постигнаа само еден погодок, а тоа домашните ракометарки знаеја како да го казнат. Тие заиграа и подобра одбрана, во нападот беа без грешка и прославија триумф со 27-23.
Најдобри стрелци во победничкиот тим беа Сара Цветановска со десет гола и Сузана Зечевиќ со шест, додека кај Пелистер, Моника Босилковска погоди осум пати.
ПОВРЗАНИ ВЕСТИ
