Денеска ќе се одиграат последните натпревари од главната фаза на Светското првенство 2025 во Данска, Норвешка и Хрватска.
По завршувањето на денешните натпревари ќе бидат познати сите патници во четвртфиналето на Мундијалот.
Како што е познато, пласман во ТОП 8 досега обезбедија репрезентациите на Данска, Германија, Франција, Унгарија, Португалија и Бразил.
Зс последните две места ќе се борат три репрезентации – Хрватска, Египет и Исланд, сите три имаат по шест бода на табелата во групата 4.
Хрватите играат со Словенија, Египет за ривал во последното коло од главната фаза ги има Зеленортските Острови, додека Исланд ќе игра против незгодната Аргентина.
Распоред на денешната програма на Светското првенство 2025:
15:30 Исланд – Аргентина
15:30 Португалија – Чиле
18:00 Шпанија – Бразил
18:00 Зеленортски Острови – Египет
20:30 Хрватска – Словенија
20:30 Норвешка – Шведска
