Победата над Вардар во Скопје со 32-26 донесе два важни бода за Висла Плоцк во Лигата на шампионите, но полскиот клуб веднаш по натпреварот се соочи со друг проблем – календарот. Висла во четврток вечер играше во „Јане Сандански“, а веќе во недела треба да гостува кај Хробри Глогов во домашното првенство.

Целиот тим во петокот е на пат од Скопје кон Полска. За сабота наутро во Плоцк се планирани медицински тестирања на играчите, биолошка регенерација и тренинг, а само еден ден подоцна, во недела од 15 часот, на програмата е гостувањето кај Хробри. Терминот на натпреварот е потврден и во официјалниот календар на Висла и во системот на полските натпреварувања.

Од Висла јавно потврдија дека нема можност да се промени терминот на натпреварот со Хробри, па сега стручниот штаб и раководството треба да донесат одлука со каков состав ќе отпатуваат на гостувањето.

Во игра се две опции:
Првата е Висла да настапи со првиот тим и покрај заморот од европското гостување и патувањето од Скопје.
Втората, многу поинтересна, е во Глогов да биде испратен јуниорскиот состав на Висла, додека најдобрите ракометари ќе останат во Плоцк и ќе се подготвуваат за новиот европски предизвик.

Одлуката клубот најави дека ќе ја соопшти во сабота.

За Висла ситуацијата дополнително ја усложнува фактот што следниот европски натпревар повторно е против Вардар. Полјаците во недела треба да играат со Хробри, а само три дена подоцна – во среда, 14 октомври, во Плоцк ќе го пречекаат Вардар во четвртото коло од Лигата на шампионите. Актуелниот распоред на ЕХФ го води натпреварот за 20,45 часот.

Тоа практично значи дека Висла во период од само шест дена има три натпревари – гостување кај Вардар во Скопје, гостување кај Хробри во Глогов и повторно дуел со Вардар, овојпат во Плоцк. Покрај натпреварите, тука е и патувањето од Македонија назад во Полска, што дополнително го намалува времето за регенерација.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

По елиминацијата на Вардар пред десетина дена, минатиот викенд се одиграа и преостанатите натпревари од второто коло во ЕХФ Купот, по кое 22 екипи се пласираа во третата рунда, каде што својот ривал ќе го чека составот на Чаир.

Таму се пласираше и словачката екипа Дунајска Стреда на Ангела Јанкуловска. Дунајска Стреда славеше над италијанскиот Салерно со 33-25, а македонската репрезентативка беше стрелец на четири гола.

Интересно е што четири екипи од Косово – Шќипоња, Самадреџа, Истогу и Феризај, сите осум натпревари ги одиграа на домашен терен, но запишаа само порази и се елиминирани.

ЕХФ Европски Куп, 2 коло, резултати:

Мавроматис – Гарлијава 20-40, 11-42
Бор – Криваја 38-26, 39-27
Самадреџа – Неистин 23-28, 24-25
Бриксен – Вардар 32-29, 36-25
Дуделанж – Х71 38-41, 24-40
Диферданж – Левалеа 19-30, 24-26
Хаџиќи – Истогу 30-25, 28-19
Одунпазари – Цуг 23-28, 29-31
Артас – Виљнус 43-36, 31-28
Холон – Бјала 34-32, 29-31/32-35 пен.
Слован Дусло Шала – Квинтус 35-26, 29-26
Сент Труден – Атинаикос 25-24, 27-22
Салерно – Дунајска Стреда 25-25, 25-32
Рума – Горење 32-27, 33-29
Квиек – Крајина 39-28, 33-23
Бнеи Херцлија – Шќипоња 40-24, 29-27
Јуро Унирек – Винтертур 34-30, 30-31
ВИФ – Феризај 34-23, 28-17
Алмеида – Енозис 37-15, 31-16
АПОЕЛ – Кур 18-40, 13-39
Галичанка Лвов – Жалгирис Каунас 33-26, 31-28
Макаби Рамат Ган – Сао Педро Сул 28-22, 24-22

Во Лигата на Европа покрај Ѓорче Петров, елиминирани се и турската Бурса на Моника Килдан Јанеска и Пјотрковија на Марија Гугуљанова, но и Црвена Звезда на Елена Ѓорѓиевска и Јована Мицевска Митев.

Лига на Европа, 2 квалификациско коло, резултати:

Боден – Гуардес 30-28, 31-26
Виборг – АЕК Атина 42-24, 30-17
Валчеа – Мецинген 39-24, 29-28
Бенфика – Зрињски Чаковец 31-16, 41-21
Хипо – Савехоф 27-31, 24-38
Молде – ПАОК 27-24, 29-21
Наиса Ниш – Бурса 29-28, 32-28
Сен Аман – Вац 32-30, 27-26
Бјеловар – Шамбре Турен 25-37
Ница – Ларвик 28-27, 32-34
Цирих – Олденбург 22-31, 23-23
Корона Брашов – Црвена Звезда 32-25, 26-28
Скара – Тертнес 25-29, 28-33
Лублин – Пјотрковија 36-24, 32-27
Ѓорче Петров – Мост 22-18, 17-27
Гран Канарија – Брул 33-25, 25-31

Во Лигата на шампионите, прв триумф забележа Будуќност, додека Крим ја продолжи негативна серија, а дербито меѓу Ѓер и Мец заврши нерешено, иако европскиот првак можеше да слави среде Унгарија.

Лига на шампиони, 5 коло, резултати:

група А
Брест Бретањ – Ференцварош 28-33
Будуќност – Сола 23-22
Борусија Дортмунд – Крим 37-31
ЧСМ Букурешт – Есбјерг 34-31

група Б
Ѓер – Мец 34-34
Бломберг – Оденсе 18-35
Сторхамар – Подравка 33-25
Никобинг – Глорија Бистрица 17-28

Еурофарм Пелистер го совлада Куманово со 36-23 (18-11) во Битола, во првиот натпревар од шестото коло на ракометната Суперлига. Со победата, битолчани стигнаа до 11 бода и привремено го презедоа првото место на табелата.

Гостите се држеа до 4-4 во седмата минута, но Еурофарм Пелистер потоа почна да ја гради предноста. Филип Кузмановски и Рудолф Хакбарт беа во прв план при водството од 9-5, а во 18. минута домаќините веќе имаа шест гола разлика, 12-6. На паузата заминаа со 18-11.

Битолчани не го намалија темпото ни по одморот. Во 38. минута Петар Атанасијевиќ погоди за прва двоцифрена предност, 22-12. Куманово не успеа да ја доведе победата во прашање, а Пелистер во 55. минута стигна и до највисоките плус 14, 34-20. Мечот заврши со 36-23.

Филип Кузмановски беше најефикасен кај победникот со седум гола. Атанасијевиќ постигна шест, Хакбарт пет, а Цветан Кузманоски и Малик Татар по четири. За Куманово, Наум Костов постигна осум гола, додека Бојан Гичев и Омар Солиман Радван додадоа по пет.

По овој меч Пелистер има 11 бода од шест натпревари. Вардар и тимот од Автокоманда имаат по 10 бода од пет средби и допрва треба да ги одиграат натпреварите од шестото коло. Куманово останува на еден бод од шест меча.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Европската ракометна федерација ги делегираше официјалните лица за натпреварите од 4 коло во Лигата на шампионите.

Судискиот тандем од Македонија, Исмаил Металари и Ненад Николовски, добија нова предизвик во елитното натпреваување.

Металари и Николовски ќе ја делат правдата на натпреварот меѓу данскиот ГОГ Гудме и шведскиот Кристијанштад.

Скандинавскиот двобој во Лигата на шампионите е закажан за 15 октомври во „Свендборг Арена“ од 18:45 часот.

Охрид се врати на победничките патеки по поразот од Вардар и во дербито пред својата публика го совлада тимот од Автокоманда со 26-24.

Никола Лиапис по натпреварот истакна дека охриѓани биле максимално подготвени за важниот дуел и дека сите ракометари го дале својот максимум за значајниот триумф.

„Знаевме дека овој натпревар е многу важен за нас по поразот од Вардар. Се подготвивме ментално и тактички за овој дуел и на крајот успеавме да победиме. Сите дадовме 100 проценти и многу сум горд на мојата екипа. Оваа победа ни дава дополнителна мотивација за продолжението од сезоната и се надевам дека ќе играме на вакво ниво во текот на целата сезона“, изјави Лиапис.

Славиќ бранеше – Охрид славеше во дербито

Славиќ: Оваа победа навистина ја заслуживме

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾