Денеска во центарот на вниманието ќе биде најголемото дерби на македонскиот ракомет – шампионот Еурофарм Пелистер ќе му гостува на Вардар. Двете екипи играа дури три пати во претсезоната, и три пати победи шампионот, а последниот пат на Супер Куп натпреварот во Кавадарци со голем пресврт.
Вардарци се во добар ритам, имаат четири победи на четири натпревари, но и битолчани играат во одлична форма и дома и во Лигата на шампионите, иако загубија на последниот дуел таму од ГОГ Гудме.
Фаворит нема кога играат овие две екипи, кои покажаа и минатата сезона дека домашниот терен може, но и не мора да игра важна улога на дерби натпреварите. Натпреварот меѓу Вардар и Еурофарм Пелистер се игра вечерва од 19:00 часот во СЦ „Јане Сандански“.
Претходно во Автокоманда гостува Прилеп, во Охрид домаќините се фаворити против Тиквеш, додека Бутел Скопје ќе се обиде да ја продолжи победничката серија преку Еурофарм Пелистер 2. Пролет го пречекува Куманово, а Струга или Радовиш ќе ги освојат првите суперлигашки бодови во новата сезона.
Во Супер женската лига исто така ќе има дерби натпревар. Чаир гостува кај шампионот Ѓорче Петров во 19:00 часот во салата „Христо Батанџиев“. Овој дуел доаѓа во незгодно време за гостинките, меѓу две средби во ЕХФ Европскиот Куп, па домаќинките кои во меѓувреме се засилија дополнително ќе бидат во предност.
Покрај седумте натпревари во Супер машката и Супер женската лига во Македонија, настапи ќе имаат и дел од македонските интернационалци.
Денеска Сара Ристовска со Рапид Букурешт ќе игра градско дерби против ЧСМ Букурешт, додека на терен ќе бидат и Мартин Поповски, Ива Младеновска и Евгениј Темелкоски.
ДЕНЕСКА НА ТЕРЕНИТЕ:
17:00 АЛКАЛОИД – ПРИЛЕП (МАКЕДОНИЈА)
18:00 БУТЕЛ СКОПЈЕ – ЕУРОФАРМ ПЕЛИСТЕР 2 (МАКЕДОНИЈА)
18:00 ПРОЛЕТ – КУМАНОВО (МАКЕДОНИЈА)
18:30 ОХРИД – ТИКВЕШ (МАКЕДОНИЈА)
19:00 СТРУГА – РАДОВИШ (МАКЕДОНИЈА)
19:00 ВАРДАР – ЕУРОФАРМ ПЕЛИСТЕР (МАКЕДОНИЈА)
19:00 ЃОРЧЕ ПЕТРОВ – ЧАИР (МАКЕДОНИЈА)
16:30 РАПИД БУКУРЕШТ – ЧСМ БУКУРЕШТ (РОМАНИЈА)
19:15 ФАДИ ВИНТЕРТУР – СУР АРАУ (ШВАЈЦАРИЈА)
17:00 ПАОК – ВРИСИЛИЈА (ГРЦИЈА)
20:00 БЕЗАНСОН – СЕН АМАН (ФРАНЦИЈА
