Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 20. коло од плеј-оф фазата во единствената женска сениорска конкуренција во Македонија.
Во изборот за ѕвезда на 20. коло од плеј-оф фазата има по една ракометарка од Куманово, Металург Автокоманда и Чаир.
За ѕвезда на колото може да гласате до петок до 12:00 часот.
Женска лига, плеј-оф, 20. коло, резултати:
Ѓорче Петров – Металург Автокоманда 23-30 (ИЗВЕШТАЈ)
Чаир – Вардар 38-32 (ИЗВЕШТАЈ)
Астибо – Куманово 30-41 (ИЗВЕШТАЈ)
ТРИ ЅВЕЗДИ НА 20. КОЛО ОД ПЛЕЈ-ОФОТ ВО ЖЕНСКАТА ЛИГА
Симона Грујовска (Металург Автокоманда) – Голманката на тимот од Автокоманда имаше блескава партија против шампионот Ѓорче Петров.
Росана Павлова (Куманово) – Десното крило беше најдобар стрелец на мечот против Астибо и постигна десет погодоци.
Стефанија Ѓорѓиевска (Чаир) – Левото крило ја продолжи одличната форма во која е цела сезона и на мечот против Вардар даде десет гола.
