Една од најдобрите ракометарки во Женската лига во последните неколку сезони, Теодора Гулицоска, денеска стави крај на играчката кариера.
На само 28 години, стружанката реши дека е доволно со активно играње ракомет и се пензионираше како членка на Чаир.
Таа го одработи својот втор мандат во тимот на Чаир, откако претходно настапуваше за матичната Стружанка, Металург и Металург Автокоманда.
„Звучи чудно во овој момент. Тешко е да се опише чувството кога се завршува нешто што било твој живот. Сепак, горда сум на се што постигнав и благодарна на сите што беа дел од моето патување“, изјави Гулицоска.
Тимот на Чаир и се заблагодари за придонесот што го даде за оваа екипа во сезоните во кои беше дел од овој клуб.
