Шпанија покажа моќ, ја торпедираше Унгарија и ја одбра Норвешка

Репрезентацијата на Шпанија ја потврди доминацијата во својата група и со убедлив триумф против Унгарија од 36:28 ја потврди првата позиција и пласманот во четврт-финалето.

Селекторот на Унгарија одлучи да настапи без најдобрите играчи и да ги сочува за нокаут фазата, а тоа значеше сигурен пораз против Шпанците. Шпанија имаше целосна контрола на натпреварот од почеток од крај. Отворија со 4:1, а веќе во 9. минута беше 7:2.

Следуваше добар период на Унгарија во кој со серија од пет гола успеаја да израмнат. Сепак, во продолжение на првиот дел Шпанците продолжија со својата доминација, играа брзо и ефикасно и на полувреме обезбедија седум предност, 21:14.

Второто полувреме продолжи во ист ритам. Разликата во корист на Шпанија постојано се зголемуваше и многу брзо достигна двоцифрена разлика кога беше 28:16. До крајот на натпреварот дојде до опуштање кај репрезентативците на Шпанија што Унграците го искористија да го ублажат поразот.

Уште пред овој натпревар двете репрезетнации имаа обезбедено пласман во четврт-финалето. Воедно ги знаеја и противниците односно можните ривали, па на тој начин можеа да тактизираат. Со оглед на тоа што ова беше дуел кој требаше да одлучува за првата позиција, јасно беше кој за што се одлучи.

Во четврт-финалето в среда Шпанија ќе се соочи со селекцијата на Норвешка, додека составот на Унгарија за ривал ќе ја има Франција.

ШПАНИЈАУНГАРИЈА 25 јануари 2021 36 - 28 Крај

Детали

Датум	Време	Лига	Сезона	Match Day	Крај
25 јануари 2021	19:45	СВЕТСКО ПРВЕНСТВО	2020/2021	25.01.2021	60'

Резултати

Екипа	1-во полувреме	2-ро полувреме	Резултат
ШПАНИЈА	21	36	Победа
УНГАРИЈА	14	28	Пораз

ШПАНИЈА

#	Играч	Позиција	Исклучување	Голови
1	Гонзало Перез де Варгас	голман	0	0
5	Хорхе Македа	десен бек	2	4
6	Ангел Фернандез Перез	лево крило	0	3
9	Раул Ентрериос	централен бек	0	2
10	Алекс Душебаев	десен бек	0	0
11	Даниел Сармиенто	централен бек	0	1
12	Родриго Коралес	голман	0	0
14	Феран Соле	десно крило	0	8
17	Адријан Фигуерас	пивот	0	1
21	Жоан Канељас	лев бек	1	2
24	Виран Морос	лев бек	1	0
28	Алеиш Гомез Абељо	десно крило	0	7
29	Аитор Арињо Бенгоечеа	лево крило	0	2
30	Гедеон Гвардиола	пивот	0	2
52	Рубен Марчан Кријадо	пивот	0	3
59	Даниел Душебаев	централен бек	1	1
	Вкупно		5	36

УНГАРИЈА

#	Играч	Позиција	Исклучување	Голови
2	Адријан Сипос	пивот	0	0
3	Петар Топиќ	пивот	1	1
7	Бендегуз Бока	лево крило	0	0
9	Жолт Балог	десен бек	0	5
12	Мартон Секељ	голман	0	0
15	Матијас Ѓери	централен бек	1	5
17	Бенце Наѓ	лев бек	1	2
20	Миклош Роста	пивот	0	2
22	Стефан Сунајко	лево крило	0	4
23	Доминик Мате	десен бек	1	1
24	Адам Борбели	голман	0	0
30	Золтан Шита	лев бек	0	2
33	Габор Анчин	десен бек	0	4
39	Рихард Бодо	лев бек	0	0
47	Петер Хорњак	десно крило	0	1
77	Егон Хануш	централен бек	0	1
	Вкупно		4	28

Officials

Судии:
НАЧЕВСКИ ЃОРЃИ НИКОЛОВ СЛАВЕ