Полна мрежа, превисок пораз – Македонија немоќна против расположената Шведска

Македонија го претрпе вториот пораз на деби натпреварот на Светските првенства, но за разлика од дуелот во 2009 година денеска поразот беше превисок од 20:32 против Шведска.

Надежите дека ќе може да се парира на Швеѓаните кои на ова првенство не се во најсилен состав почнаа да се смируваат после 15 минути игра откако Швеѓаните направија 5:0 серија. Овие лоши минути во нападот придонесоа и противникот да си воспостави целосна контрола на играта така што во продолжение беше навистина тешко да се парира и да се дојде до подобар резултат.

Петте гола се одржува до крајот на првото полувреме, а после 16:11 на одмор на почетокот на вториот дел набрзина се дојде до зголемување на предноста. Немаше течност во играта, одново немаше доволно жар и некако премногу лесно се оставаше простор за противникот.

Шведска играше максимално ангажирано, па лесно успеа да стигне до погодоци со кои брзе се обезбеди двоцифрена предност. Првпат се стигна до десет гола разлика при 24:14, кога Томовски одбрани неколку топки, но не беше искорестена шансата да се продолжи со серијата, па се застана на 24:17.

Тие неколку минути како да беа сè бидејќи во продолжение се загуби чекорот, па Швеѓаните одново дојдоа до плус десет и постојано беа на 9-10 гола разлика така што имаа мирна завршница. Македонија дефинитивно имаше тешко отворање, па јасно е дека викендов против Египет ќе мора да се одигра многу подобро, а в понеделник против Чиле да се бара играта со која ќе се обезбеди втор круг.

На крајот конечните, 20:32 се дури и превисоки, а она што беше прикажано треба да биде поука за следните дуели. Ќе мора да се поправа многу ако се сака нешто плус на овој шампионат, но ќе мора да се смени и пристапот кај повеќето од ракометарите.

ШВЕДСКАМАКЕДОНИЈА 14 јануари 2021 32 - 20 Крај

Детали

Датум	Време	Лига	Сезона	Match Day	Крај
14 јануари 2021	22:01	ГРУПА Г	2020/2021	14.01.2021	60'

Резултати

Екипа	1-во полувреме	2-ро полувреме	Резултат
ШВЕДСКА	16	32	Победа
МАКЕДОНИЈА	11	20	Пораз

ШВЕДСКА

#	Играч	Позиција	Исклучување	Голови
2	Јонатан Карлсбогард	лев бек	0	2
5	Макс Дарј	пивот	1	4
8	Алфред Јонсон	лев бек	0	1
33	Лукас Сандел	десен бек	0	1
11	Даниел Петерсон	десно крило	0	1
12	Андреас Паличка	голман	0	0
15	Хампус Ване	лево крило	0	11
16	Микаел Агефорс	голман	0	0
18	Фредрик Петерсон	пивот	1	1
22	Лукас Пелас	лево крило	0	0
24	Џим Готфридсон	централен бек	0	2
26	Линус Персон	десен бек	1	6
27	Оскар Зунефелдт	лево крило	0	0
28	Јонатан Едвардсон	централен бек	0	0
62	Валтер Хринц	десно крило	0	1
7	Феликс Клар	централен бек	1	2
	Вкупно		4	32

МАКЕДОНИЈА

#	Играч	Позиција	Исклучување	Голови
1	Никола Митревски	голман	0	0
4	Мартин Велковски	десен бек	1	1
5	Стојанче Стоилов	пивот	1	2
6	Димитар Димитриоски	лево крило	0	0
7	Кирил Лазаров	десен бек	0	5
8	Цветан Кузманоски	лево крило	0	1
11	Филип Талески	лев бек	0	0
12	Мартин Томовски	голман	0	0
17	Никола Маркоски	пивот	0	1
18	Филип Кузмановски	лев бек	0	1
19	Ненад Костески	десно крило	0	2
21	Марио Танкоски	централен бек	0	2
28	Мартин Поповски	десно крило	0	2
29	Дарко Георгиевски	лев бек	0	1
33	Жарко Пешевски	пивот	1	2
97	Марко Мишевски	лев бек	0	0
	Вкупно		3	20

Officials

Судии:
Ларс Јорум -Норвешка Хавард Клевен -Норвешка