Европската ракометна федерација го објави ранкингот на екипите пред продолжението на ЕХФ Европскиот Куп, односно натпреварите од второто коло, во кое активни се 64 екипи.

Стручниот тим на ЕХФ го смести актуелниот бранител на трофејот, Охрид, на првото место, додека со швајцарскиот Берн и романската Турда се завтора кругот на фаворитите.

Вториот македонски претставник во ова натпреварување, екипата на Бутел Скопје е рангирана на 39 место од 64 екипи.

Ривалот на Охрид во второто коло, турскиот Спор Тото е на 27 место, додека противникот на Бутел, хрватската Горица е дури на 55 место.

Охрид дуелите со Спор Тото ќе ги игра на 23 и 24 октомври од 18:30 часот во СРЦ „Билјанини Извори“, додека Бутел ќе се соочи со Горица на 17 и 24 октомври.

 

View this post on Instagram

 

A post shared by EHF European Cup (@ehfec_official)

Превенцијата, едукацијата и стручната поддршка се клучни за препознавање и намалување на ризиците од проблематично играње игри на среќа. Одговорното играње не почнува тогаш кога ќе се појави проблем, туку многу порано, со информираноста, свесноста за ризиците и навременото препознавање на предупредувачките знаци.

Токму затоа, Државна Видеолотарија на Македонија Касинос Австрија, преку иницијативата „Играј одговорно“, континуирано вложува во превенција, едукација и психо-социјална поддршка, со јасна цел: да ја зајакне свесноста за одговорното играње и да обезбеди стручна помош за лицата кои се соочуваат со предизвици поврзани со играњето игри на среќа.

Од 2019 година, иницијативата се развива како долгорочна програма за советување, превенција и поддршка, не само за поединците туку и за нивните семејства. Преку мрежата на советувалишта во Скопје, Куманово, Прилеп и Радовиш, поддршката станува подостапна за граѓаните на повеќе локации низ земјата. Со отворањето на советувалиштето во Радовиш во април годинава, мрежата добива нова точка на поддршка, а иницијативата дополнително го прошири својот опфат.

Зад оваа определба стои разбирањето дека одговорното приредување игри на среќа подразбира повеќе од почитување на принципи и стандарди. Тоа значи континуирана грижа, вложување во превентивни механизми и создавање услови за навремена стручна помош.

За Државна Видеолотарија на Македонија Касинос Австрија, општествената одговорност е составен дел од работењето. Преку иницијативата „Играј одговорно“, компанијата ја нагласува важноста на информираноста, раната интервенција и достапноста на поддршката, со посебен фокус на препознавањето и намалувањето на ризиците од проблематично играње.

Целта е јасна: да се зборува отворено, да се препознаваат ризиците навреме и да се знае дека поддршка постои. Бидејќи вистинската одговорност не е само во тоа како се приредуваат игрите на среќа, туку и во тоа колку активно се работи на заштитата на граѓаните и заедницата.

ИГРАЈ ОДГОВОРНО. БИДИ ИНФОРМИРАН. ПОБАРАЈ ПОДДРШКА.

Петте натпревари во четвртото коло од Лигата на шампионите донесоа важни промени во трката за првите две места во групите. Барса и Фуксе Берлин веќе имаат обезбедено место во главната фаза, а по победата над директниот конкурент Сегед, таму е и Спортинг. Во групата Д, ГОГ останува во трка со унгарскиот тим за второто место.

Спортинг – ПИК Сегед 34-28 (19-14)
Спортинг силно го отвори дуелот во Лисабон и поведе со 7-2. Сегед успеа да се врати до 8-8, но домаќините повторно го презедоа ритамот и на паузата заминаа со пет гола предност, 19-14. Во второто полувреме не му дозволија на ривалот да ја доведе победата во прашање.

Франциско Коста беше прв стрелец на Спортинг со девет гола, Натан Суарез постигна шест, а Мартим Коста пет. Кај Сегед, Марио Шоштариќ даде седум гола. Дмитро Горига постигна три гола од седум шута.

Спортинг сега има седум бода и е прв во групата Д. ГОГ има шест, Сегед три, а Кристијанстад е без бод. Португалскиот тим го доби меѓусебниот дуел со Сегед по ремито 35-35 во Унгарија, што му обезбедува место меѓу првите два тима.

ГОГ – Кристијанстад 39-30 (22-17)
Кристијанстад пружи отпор на почетокот и водеше со 4-3, а потоа резултатот беше израмнет на 7-7. ГОГ ја презеде контролата, поведе со 12-9 и постепено ја зголемуваше разликата. Данците имаа 22-17 на полувремето, а во продолжението стигнаа и до 29-20, по што прашањето за победникот беше решено.

Мануел Цендер беше најрасположен со 11 гола, Хјалте Лике постигна пет, а голманот Фредерик Мелер Волф запиша 12 одбрани. За гостите, Еинар Браги Адалстеинсон даде седум гола, а Исак Бил Нилсен пет.

ГОГ со шест бода е втор во групата Д, зад Спортинг, и ја задржа предноста во трката со Сегед. Кристијанстад и по четвртиот натпревар останува без бод.

Динамо Букурешт – Барса 22-36 (11-20)
Барса ја наметна својата игра уште во првото полувреме. По 9-6, гостите направија серија од 6-1 за 15-7, а на одмор заминаа со 20-11. Динамо не успеа да се врати во натпреварот: каталонскиот тим продолжи да ја зголемува предноста и стигна до убедлив триумф во Букурешт.

Тимотеј Нгесан постигна шест гола, додека Дика Мем и Јан Баруфет додадоа по пет. Серхеј Ернандез имаше 16 одбрани. Кај Динамо, Андреј Бузле и Мигел Мартинс постигнаа по четири гола.

Барса е максимална во групата Е – четири победи и осум бода. Тоа веќе ѝ гарантира едно од првите две места. Динамо останува на еден бод.

Монпелје – Архус 30-38 (14-18)
Монпелје имаше добар почеток и поведе со 8-6, но Архус го сврте резултатот. Данскиот тим од 10-11 стигна до 11-17 и ја понесе предноста на полувреме. Во вториот дел гостите не застанаа – поведоа со 31-22 и мирно ја приведоа средбата кон крај.

Андреас Расмусен беше прв стрелец на Архус со шест гола, а Јохан Хансен и Фредрик Олсон постигнаа по пет. Голманот Магнус Петерсен собра 16 одбрани. Кај Монпелје, Артур Лен и Лукас Гигон дадоа по четири гола.

Со оваа победа Архус се искачи на пет бода и е втор во групата Е, зад Барса. Монпелје има два, а Динамо еден бод. Борбата за второто место продолжува во преостанатите две кола.

Порто – Фуксе Берлин 33-36 (18-19)
Берлин водеше во поголем дел од првото полувреме, но Порто постојано остануваше блиску и на паузата заостануваше само еден гол. Домаќините одлично го почнаа продолжението: израмнија на 19-19 и поведоа со 21-20. Германскиот тим повторно го сврте резултатот, а Порто и во завршницата се доближи на 29-30. Берлин ги доби клучните напади и ја зачува победата.

Тим Фрајхефер одигра извонреден меч со 15 гола. Матијас Гидсел додаде осум, а Матеc Лангхоф пет. За Порто, Васко Коста постигна осум, а Рикардо Брандао седум гола.

Веспрем е прв во групата А со осум бода, Берлин има шест, Порто два, а Партизан е без бод. Берлин го победи Порто и во двата меѓусебни меча, па го обезбеди второто место кое води во главната фаза. Порто нема можност да го престигне.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Ракометарите на Бутел Скопје вечерва од 18:00 часот ќе го одиграат првиот натпревар во ЕХФ Европскиот Куп на гости кај хрватската Горица.

Станува збор за незгоден ривал, кој има одличен старт во Хрватска – шест победи на шест меча, меѓу кои и онаа над Сесвете, учесник во Лигата на Европа и тоа на гостински терен.

Десното крило Максимилијан Гуриќ очекува тежок натпревар.

„Во Европскиот куп го пречекуваме Бутел Скопје, млада македонска екипа во чии редови има искусни поединци. Нè очекува тежок противник и натпревар во кој ништо нема да добиеме без борба. Во овој густ распоред важно ни е добро да го отвориме дуелот и да покажеме дека никој не поминува лесно низ нашата сала. Затоа ги повикуваме сите навивачи: дојдете, исполнете ги трибините и подгответе им на гостите што е можно потешка атмосфера. Вие сте нашиот осми играч“, порача десното крило.

Тренерот на Горица, Матеј Мишковиќ, вели дека Бутел Скопје заслужува целосен респект.

„Пред нас е голем европски натпревар и предизвик на кој сите во клубот исклучително му се радуваме. Ни гостува Бутел од Скопје, квалитетна и сериозна екипа која заслужува целосен респект. Свесни сме дека нè очекува тежок натпревар против противник кој има квалитет и амбиции. Сепак, ние имаме свои цели и веруваме во она што го работиме. Од почетокот на сезоната градиме победнички менталитет, а ваквите натпревари се можност да покажеме колку вредиме и колку можеме да постигнеме како тим. Сакаме да бидеме храбри, одлучни и да го наметнеме нашиот начин на игра од првата минута. Играме на домашен терен, пред нашите навивачи, и немаме намера никому да му ја препуштиме улогата на фаворит, без оглед на името на противникот.
Го почитуваме Бутел, но веруваме во сопствениот квалитет. Нашата цел не е само да учествуваме во европското натпреварување, туку да бидеме конкурентни, да победуваме и да направиме исчекор на европската сцена со Горица“, заврши Мишковиќ.

Европската ракометна федерација ги делегираше официјалните лица за натпреварите од второто коло во ЕХФ Европскиот Куп.

Покрај судиите Илиевски, Македонија на европската сцена ќе ја претставува и делегатот Ацо Николовски.

Тој беше делегат на два меча од женскиот ЕХФ Куп минатиот викенд на Косово, каде играа Феризај и ВИФ од Фарски Острови, а сега ќе има двојна задача и во машкиот ЕХФ Купот.

Денеска Николовски ќе биде делегат на пресметката меѓу турскиот Бешикташ и Фиверс Маргаретен од Австрија во Истанбул што ќе започне од 16:00 часот.

Утре Николовски ќе биде задолжен за се да мине во најдобар ред на дуелот меѓу Бурса и норвешкиот Рунар Сандефјорд што се игра во Бурса и ќе стартува од 16:00 часот.