Српскиот тим Црвена Ѕвезда новата сезона ќе ја стартува со големи амбиции и ќе се обиде да им помати сметките на водечкото трио Војводина, Металопластика и Партизан.
За таа цел тренерот Жикица Милосављевиќ ангажираше дури 11 нови ракометари, кои веќе ги започнаа подготовките со тимот.
Најзвучно име секако е Марко Крсманчиќ, кој дојде од австрискиот Алпла Хард, а на десната бековска позиција, српскиот тим ќе има две познати имиња.
Покрај Милош Лојаничиќ, кој во минатата полусезона играше за Радовиш, во Ѕвезда ќе игра и Лазар Петровиќ, екс играч на Охрид. Тој во минатите две сезони откако замина од Македонија беше дел од шведскиот Варберг.
Од Црвена Ѕвезда во Охрид замина десниот бек Алекса Милошевиќ.
ПОВРЗАНИ ВЕСТИ
