Искусниот стратег Томе Петрески, кој во февруари годинава доби Мастер Коуч лиценца, ќе има нов предизвик во кариерата.
Прилепчанецот до крајот на сезоната ќе го предводи Младост Богданци, а досегашниот тренер Драган Вурмо останува во стручниот штаб заедно со Мите Стоилов.
Петрески до крајот на есенскиот дел од сезоната го водеше Тиквеш од Кавадарци, а сега ќе се обиде на Младост да му помогне да избори опстанок во суперлигашкото друштво.
Некогашниот македонски репрезентативец, кој градеше играчка, а потоа и тренерска кариера во Франција, во Македонија освен во кавадаречкиот тим работеше во Прилеп, машкиот и женскиот тим на Пелистер, а беше тренер и во Мароко.
Младост Богданци има 13 бода на четвртата позиција на табелата во плеј-аут, а до крајот остануваат уште шест кола.
ПОВРЗАНИ ВЕСТИ
