Словенија моќно го отвори Мундијалот, броеше до 51 против Кореја

Репрезентацијата на Словенија фуриозно го отвори Светското првенство во Египет совладувајќи ја младата екипа на Кореја со високи 51:29. Словенците се први фаворити во групата Х и уште на стартот најавија борба за висок пласман на овој Мундијал.

Уште од самиот почеток на натпреварот очигледна беше разликата во квалитет и во ниту еден момент немаше неизвесност. Избраниците на Љубомир Врањеш од првата минута без милост го полнеа голот на Корејците. Блаж Јанц беше многу ефикасен во почетните минути и многу брзо беше 6:2 за Словенија, а потоа и 11:3.

Корејците немаа многу шанса за надигрување, секоја грешка во нападот беше казнета со брза контра и реализација. Смената на голманската позиција што ја направи селекторот на Кореја донесе резултат, нововлезениот голман успеа да го запре Јанц, но потоа на сцена стапи Драган Гајиќ кој продолжи да го полни голот на Кореја.

После 30 минути игра Словенија имаше водство 25:16. И во второто полувреме еден тим доминираше на теренот, а разликата постојано се зголемуваше, а на крајот достигна дури до 22 разлика за прва лесна победа на Словенија.

Убедливата победа против Кореја можеби не е вистински показател за формата на Словенија, но секако е најава за ново одлично големо натпреварување за нив. Сепак ретко се гледа на еден натпревар еден тим да постигне повеќе од 50 гола, особено на Светско првенство.

Најефикасен во репрезентацијата на Словенија бешеа Драган Гајиќ со 10 гола Блаж Јанц постигна девет, а официјалните лица на крај на дуелот имаа чудна одлука да го прогласат за играч на натпреварот Миха Зарабец кој постигна само еден гол. Во составот на Кореја со по шест гола најпрецизни беа Јаеху Ким и Јинхо Ким.

СЛОВЕНИЈАКОРЕЈА 14 јануари 2021 51 - 29 Крај

Детали

Датум	Време	Лига	Сезона	Match Day	Крај
14 јануари 2021	20:10	ГРУПА Х	2020/2021	14.01.2021	60'

Резултати

Екипа	1-во полувреме	2-ро полувреме	Резултат
СЛОВЕНИЈА	25	51	Победа
КОРЕЈА	16	29	Пораз

СЛОВЕНИЈА

#	Играч	Позиција	Исклучување	Голови
2	Сташ Скубе	централен бек	0	1
3	Блаж Благотиншек	пивот	1	3
5	Ник Хенигман	лев бек	0	5
8	Блаж Јанц	десно крило	0	9
11	Јуре Доленец	десен бек	1	3
13	Дарко Цингесар	лево крило	0	2
16	Миљан Вујовиќ	голман	0	0
17	Нејц Цехте	десен бек	0	1
21	Драган Гајиќ	десно крило	0	10
22	Матеј Габер	пивот	2	2
23	Миха Зарабец	централен бек	0	1
26	Клемен Ферлин	голман	0	0
34	Рок Овничек	централен бек	0	3
44	Деан Бомбач	централен бек	0	4
51	Борут Мачковшек	лев бек	0	5
95	Матиц Сухолежник	пивот	2	2
	Вкупно		6	51

КОРЕЈА

#	Играч	Позиција	Исклучување	Голови
8	Хјеонво Ким	пивот	0	2
10	Чанмин Ју	десно крило	0	3
13	Јунхее Ли	десно крило	0	1
19	Сеунггеон Баек	десен бек	0	0
22	Бјеонгју Ли	лево крило	0	0
23	Јоунгје Јеон	централен бек	0	1
24	Јинјонг Ким	десно крило	0	2
26	Јаеху Ким	централен бек	0	6
28	Јинхо Ким	лево крило	0	6
32	Донгјеон Јо	лево крило	0	0
33	Јаесон Ким	лев бек	0	1
34	Таегван Ким	лев бек	0	2
77	Мјеонгјонг Ким	централен бек	0	0
87	Јиун Ким	десен бек	0	0
97	Таеунг Ким	пивот	2	5
98	Јаепил Ан	голман	0	0
	Вкупно		2	29

Officials

Судии:
Ангел Сабросо -Шпанија Оскар Ралуј -Шпанија