Ракометарките на Вардар дојдоа до важни три бода во трката за 2. место откако денеска го совладаа тимот на Металург со 24:22.
Во интересен натпревар вардарки имаа далеку подобро прво полувреме во кое постојано ја зголемуваа предноста. Постојано беа во сè поголема предност и успеаја да стигнат до плус осум кога водеа со 12:4.
Тука падна ритамот и до крајот на првото полувреме гостинките имаа подобри моменти и стигнаа до предност од 15:12 на паузата.
После одморот следуваше израмнета игра во која Варар долго имаше водство. Сепак, клучни во оваа средба беа последните шест минути. Во 54. минута резултатот беше израмнет, 22:22, а потоа следуваше период во кој Илиќ одбрани одлично, па одново Вардар дојде до предност и до три бода.
На крајот беше 24:22 за Вардар и оваа победа е сосема доволна за да може да се има цврсто 2. позиција на табелата.
ВАРДАР – МЕТАЛУРГ 24:22 (15:12)
Сала: СЦ „Јане Сандански“ во Скопје. Судии: Димитар и Дејан Георгиевски од Скопје. Делегат: Марјан Огњановски од Скопје.
ВАРДАР: Илиќ, Грујовска, Попова, Ѓеоргиевска 1, Стефаноска 1, Џатевска, Лазаровска, Трпевска 5, Костовиќ 3, Диневска 7, Миновска 1, Галевска, Стојановска 3, Васевска, Коцева, Дамјановска 3.
Седмерци: 5/8, Исклучувања: 10 мин.
МЕТАЛУРГ: Илјаз, Васева, Софтовска, Гугуљанова, Ѓорѓиевска, Гулицоска, Тасевска 7, Смајлоска 2, Арсениевска 1, Младеновска, Темелковска, Дамчевска 3, Божиновска 3, Ристовска 1, Николиќ 5, Ивановска.
Седмерци: 2/4, Исклучувања: 6 мин.
СУПЕР ЖЕНСКА ЛИГА – ТАБЕЛА