Светското првенство во женска конкуренција денеска влегува во завршна фаза, а ракометарките на осумте селекции денеска и утре ќе се борат за место во полуфиналето што ќе биде нов чекор доближување до битката за медалите.
Први на терeн денеска излагаат составите на Данска и Бразил. Нивниот натпревар е од 17:30 часот, а тие ќе имаат убав предизвик и во следната рунда. Победникот од овој дуел во полуфиналето ќе се соочи со селекцијата која ќе победи од двобојот меѓу Франција и Шведска, а овој натпревар се игра утре од 20:30 часот.
Домаќинот Шпанија за противник ја има Германија во второто денешно четврт-финале од 20:30 часот. Победата на овој натпревар ќе значи натпревар против победникот од пресметката меѓу Норвешка и Русија која е закажана за утре од 17:30 часот.
Полуфиналните натпревари ќе бидат одиграни в петок, а термините се исти како и за дуелите од четврт-финалето. Ќе се играат од 17:30 и 20:30 часот. Финалето е в недела од 17:30 часот и тогаш ќе биде познато која селекција ќе го наследи тронот на Холандија.
СВЕТСКО ПРВЕНСТВО – ЖЕНИ
ДВОЈКИ ЗА ЧЕТВРТ-ФИНАЛЕ
ВТОРНИК, 14 ФЕВРУАРИ
17:30ч
ДАНСКА – БРАЗИЛ
20:30ч
ШПАНИЈА – ГЕРМАНИЈА
СРЕДА, 15 ФЕВРУАРИ
17:30ч
НОРВЕШКА – РУСИЈА
20:30ч
ФРАНЦИЈА – ШВЕДСКА
ПОВРЗАНИ ВЕСТИ
