На Македонија и се случи Египет, и се случи катастрофа

Репрезентацијата на Македонија не покажа ништо ново на теренот против Египет во однос на дуелот против Шведска и на оние 12 гола разлика на првиот дуел денеска додаде уште негатива од 19 гола после конечните 19:38.

Македонија одново бледа на теренот, далеку од она што е потребно за успех на големо натпреварување и дефинитивно катастрофален пристап и однос на поголемиот дел од ракометарите кои во иднина треба да бидат главните актери на теренот во националниот тим.

Средбата беше загубена само што почна бидејќи после 5:3 за Египет во 6. минута на средина од полувремето резултатот беше 10:3. Тука за три минути Македонија постигна три гола и за момент се доби впечаток дека конечно е пронајден ритамот и ќе биде далеку подобро. Место тоа од 10:6 во 18. минута до крајот на првиот дел комплетен потоп. Губење топки, промашување, недоволна концентрација, невраќање назад кога ќе се загубеше топката, па Египет го наполни голот на Македонија и на одмор имаше 20:6.

Во вториот дел Брестовац им даде шанса на помладите. Ги остави Лазаров, Стоилов и Митревски на клупата, но немаше ништо ново. Египет продолжи лесно да ги завршува своите акции и да го користи големиот простор и некоординираноста во одбраната. Тоа им донесе високи плус 20 гола уште на средина од второто полувреме, па остана само прашањето колку ќе биде конечниот резултат.

Од оваа средба единствен позитивен момент веројатно беше голманот Томовски, кој одработено на ниво, но остана во сенка на премногу лошото издание. Уште после 40. минута се чекаше само на крајот, а кога истекоа предвидените 60 минути на семафорот стоеше 19:38. Пораз каков досега Македонија нема претрпено на големите натпреварувања.

ЕГИПЕТМАКЕДОНИЈА 16 јануари 2021 38 - 19 Крај

Детали

Датум	Време	Лига	Сезона	Match Day	Крај
16 јануари 2021	19:27	ГРУПА Г	2020/2021	16.01.2021	60'

Резултати

Екипа	1-во полувреме	2-ро полувреме	Резултат
ЕГИПЕТ	20	38	Победа
МАКЕДОНИЈА	6	19	Пораз

ЕГИПЕТ

#	Играч	Позиција	Исклучување	Голови
5	Јахија Омар	десен бек	1	3
11	Ахмед Моамен	лево крило	1	2
15	Ахмед Хешам	централен бек	0	4
24	Ибрахим Елмасри	пивот	0	0
25	Висам Навар	пивот	0	1
31	Омар Елвакил	лево крило	0	3
39	Јехија Елдера	лев бек	0	2
42	Хасан Кадах	лев бек	0	6
45	Сеиф Елдера	лев бек	0	1
53	Акрам Јусри	десно крило	0	0
66	Ахмед Елахмар	десен бек	0	2
88	Карим Хендави	голман	0	0
89	Мохамед Мамду	пивот	0	8
90	Али Зеин	лев бек	0	1
91	Мохамед Санад	десно крило	0	5
96	Мохамед Елтајар	голман	0	0
	Вкупно		2	38

МАКЕДОНИЈА

#	Играч	Позиција	Исклучување	Голови
1	Никола Митревски	голман	0	0
4	Мартин Велковски	десен бек	1	2
5	Стојанче Стоилов	пивот	0	0
6	Димитар Димитриоски	лево крило	0	0
7	Кирил Лазаров	десен бек	0	3
8	Цветан Кузманоски	лево крило	0	0
11	Филип Талески	лев бек	1	0
12	Мартин Томовски	голман	0	0
17	Никола Маркоски	пивот	0	3
18	Филип Кузмановски	лев бек	1	2
19	Ненад Костески	десно крило	0	2
21	Марио Танкоски	централен бек	0	2
28	Мартин Поповски	десно крило	0	1
29	Дарко Георгиевски	лев бек	1	1
33	Жарко Пешевски	пивот	0	3
97	Марко Мишевски	лев бек	2	0
	Вкупно		6	19

Officials

Судии:
Џули Бонавентура -Франција Шарлот Бонавентура -Франција